Eşitmə itkisi və digər daxili qulaq xəstəliklərinin tibbi müalicəsini həyata keçirmək üçün 3D çap texnologiyasından istifadə olunaraq yeni innovativ mikro iynə hazırlanıb. Qeyd edək ki, dünyanın ən maraqlı iynəsi kimi qələmə verilən bu iynənin hazırlanması üçün təxminən 10 il lazım olub.
Tibb və mühəndislik sahəsində çalışan bir qrup on ildən çox müddət ərzində aparılan araşdırmalar nəticəsində eşitmə itkisi və daxili qulaq xəstəliklərinin müalicəsində inqilab edəcək mikro iynə hazırlayıb. Kolumbiya Universitetinin Qulaq Burun Boğaz (ENT) cərrahı Dr. Anil Lalwani və mexaniki mühəndis Jeffrey Kysar tərəfindən hazırlanmış bu yenilikçi cihaz daxili qulağın həssas sahələrinə çatmaq üçün yenilikçi bir həll təklif edir. Microneedle texnologiyası, xüsusilə koklea adlanan spiral formalı daxili qulaq quruluşunda yerləşən eşitməyə cavabdeh olan hüceyrələrə zərər vermədən müalicəni həyata keçirməyi hədəfləyir.
Lalwani bu ixtiranın əhəmiyyətini bu sözlərlə ifadə edir: “Mikro iynəmiz daxili qulaq üçün dəqiq dərmanın açarı ola bilər desək, mübaliğə olmaz.” Koklea yalnız 2 millimetr enində olan bir membranla əhatə olunmuşdur və yırtıldıqda daimi eşitmə itkisinə və tarazlıq problemlərinə səbəb olur. Ənənəvi cərrahi alətlərlə bu membranın zədələnməsi riski yeni müalicə üsullarının tətbiqini çətinləşdirirdi. Bu mikro iynə yalnız müalicəni təmin etməyəcək, həm də kokleadan maye nümunəsi götürərək Meniere xəstəliyi kimi vəziyyətlərin daha yaxşı başa düşülməsinə və müalicəsini asanlaşdıracaq. Beləliklə, yeni iynə ilə eşitmə itkisi tərəfində olduqca böyük təkmilləşdirmələr əldə ediləcək.
