Mikroskopik Leqo parçası dünyanın ən kiçik əl işi heykəli kimi Ginnesin Rekordlar Kitabına düşüb. Belə ki, İngiltərədə bir rəssam indiyə qədər hazırlanmış ən kiçik Leqo kərpicini yaradıb. Mikroskopik miqyasda istehsal edilən bu hissə adi gözlə görülməyəcək qədər kiçikdir.
Rəssam David A Lindon tərəfindən hazırlanmış bu kiçik Leqo dünyanın ən kiçik əl işi heykəli kimi Ginnesin Rekordlar Kitabına düşüb. Standart qırmızı kvadrat Lego parçasının kiçildilmiş versiyası olan bu strukturun ölçüləri 0,02517 mm x 0,02184 mm-dir. Bu, təxminən bir ağ qan hüceyrəsinin ölçüsünə bərabərdir. Material elmləri firması Spectrographic, fraqmenti Ginnesə təqdim edilməzdən əvvəl xüsusi alətlərlə ölçərək yoxlayıb.
Qeyd edək ki, Lindon tərəfindən hazırlanan bu Leqo rəssamın hazırladığı üç mikroskopik Leqo parçasının ən kiçiyidir. Hətta, heykəllər o qədər kiçik olub ki, sancağın ucuna qoyulsa, mövqeləri məlum olsa belə, adi gözlə görmək mümkün olmur. İnanılmaz səviyyədə mikroskopik ölçüdə hazırlanan bu leqo parçası həm sənət, həm də mühədislik baxımından əhəmiyyətli bir əsər olaraq qiymətləndirilib. Eləcə də, ginnesin rekordlar kitabında bu leqo parçasının və onun müəllifi David A Lindon-un adı tarixə yazılıb. Ümumiyyətlə, isə rəssam bu fikrin ona anidən gəldiyini və belə bir əsəri yarada biləcəyinə inanaraq işə qoyulduğunu etiraf edib.
