Çin 2027-ci ildə ilk uçuşunu edəcək supersonik təyyarə ilə 5 min km sürətə çatmağı hədəfləyir. Belə ki, Çin şirkəti dünyanın ilk supersonik sərnişin təyyarəsi olan Concorde-dan təxminən iki dəfə sürətlə hərəkət edə bilən kommersiya nəqliyyat təyyarəsinin ilk prototipini sınaqdan keçirdiyini açıqlayıb. Şirkətin məlumatına görə, sınaq uçuşu zamanı təyyarənin bütün kompozit konstruksiyaları ekstremal şəraitə uğurla tab gətirib.
Çində Lingkong Tianxing Technology kimi tanınan China Aerospace Transport, Yunxing sınaq təyyarəsinin ilk uğurlu sınaq uçuşu elan edilib. Şirkətin iddialarına görə, təyyarə 4 Mach, yəni saatda təxminən 4 min 939 km sürətlə uça bilir. Yerli mətbuatın məlumatına görə, təyyarə ilk rəsmi uçuşunu 2027-ci ildə edə biləcək. Bildiyimiz kimi, Concorde təyyarələri ilk dəfə təqdim olunduqda səsdən sürətli sərnişin səyahəti üzrə bütün rekordları qırmağı bacarmışdı. Sud Aviation və daha sonra Fransanın Aerospatiale və Britaniya Təyyarə Korporasiyasının bir hissəsi olan Concorde tərəfindən dizayn və istehsal edilən Concorde hələ də aviasiya texnologiyasının şah əsərlərindən biri kimi tanınır.
Concorde, sərnişinləri Atlantik okeanı boyunca səsdən iki dəfə yüksək sürətlə daşıyan və 2 Mach və ya 2469 km sürətə çata bilən turbojet mühərrikli ilk səsdən sürətli sərnişin təyyarəsi kimi tanınır. Çin şirkəti indi Mach 4 sürətinə çata bilən kommersiya təyyarəsi təqdim edərək rekord qırmağı hədəfləyir. Sputnik-in məlumatına görə, şirkətin yeni təyyarəsinin Pekindən Nyu Yorka təqribən iki saatlıq səfərlə çata biləcəyi iddia edilir. Bu isə o deməkdir ki, nəzəri cəhətdən təyyarə 7 saat ərzində Yer ətrafında tam dövrə vura bilər. China Aerospace Transport tərəfindən hazırlanan yeni təyyarə prototipi şaquli olaraq havaya qalxmaq və təxminən 20 min metr yüksəklikdə uçmaq kimi maraqlı xüsusiyyətlərə də malikdir.
