Texnologiya dünyasında rəqabətin olduğu bir sahəyə Çinlilərin axın etməsi artıq hər kəsə tanış bir vəziyyətdir. Süni intellekt, 5G, çiplər, elektrikli nəqliyyat vasitələrindən sonra indi də, robotexnika sektoru işğal altındadır. Belə ki, 2024-cü ildə Çinin 450 min şirkət quraraq robotexnika sektoruna böyük damğa vurduğu ortaya çıxıb.
2024-cü ilin hesabatlarına görə, ölkədə ağıllı robot texnikası sektorunda fəaliyyət göstərən qeydiyyatdan keçmiş şirkətlərin sayı 451,700-ə çatıb. Maraqlısı budur ki, şirkətlərin ümumi kapitalı 884 milyard dollar civarındadır. 2020-ci ilə nisbətən şirkətlərin sayında 206 faiz artım olduğu halda, əvvəlki ilə nisbətən yüzdə 19,39 artım olub. Bu şirkətlər əsasən elmi tədqiqatlar, texniki xidmətlər, satış və marketinq və İT kimi şöbələrdə fəaliyyət göstərir. Onların 60 faizi Çinin qızıl bölgələri sayılan Şərq bölgələrində yerləşir.
Ümumiyyətlə, Çin son dövrlərdə xüsusi olaraq insanabənzər robot texnologiyalarına diqqət yetirir və 2024-cü ildə cəmi 1,5 milyard dollarlıq investisiya raundu həyata keçirilib. Qeyd edək ki, artıq BYD və Geely kimi sənaye nəhəngləri insanabənzər robotlar istehsal etməyə başlayıblar. Həmçinin, Çin hökuməti araşdırmalara böyük əhəmiyyət verir və siyasətini buna uyğun müəyyən edir. İnsanabənzər robot təşəbbüslərinə müxtəlif yollarla maliyyə dəstəyi verilir.
