Çin Mərkəzi Televiziyası, dünyanın quşa ən çox bənzəyən və real görünən ornitopterini bütün kanallarda yayımlayıb. Ümumiyyətlə, ornitopter, qanad çırparaq uçan təyyarələrə deyilir. Belə ki, bu süni quşlar xüsusilə yarasa, böcək və quş nümunələrinə əsaslanaraq hazırlanır. Günümüzdə ornitopter adı çox istifadə olunmasa da, keçmişdə bu alətlər insanlar üçün çox cəlbedici hesab olunurdu. Quş kimi qanad çırpa bilən ornitopterin hərbi və mülki sahədə ciddi potensialı var.
Çin Mərkəzi Televiziyası (CCTV) dünyanın ən real quşa bənzər ornitopterinin görüntülərini yayımlayıb. Mütəxəsisslər, qanadlarını eynilə quş kimi çırpa bilən bu pilotsuz uçuş aparatının bir çox fərqli məqsədlərlə istifadə oluna bilinəcəyini bildirir. “Kiçik Şahin” adlı ornitopterin yayımlanmış görüntülərində onun dizaynı, tədqiqat və təkmilləşdirmə prosesi və sınaq mərhələləri yer alır. Qeyd edək ki, Çin Şimal-Qərb Politexnik Universiteti tədqiqatçıları dünyanın quşa ən çox bənzəyən ornitopterini araşdırıb və nəticədə onu hazırlayıb.
Eurasian Times bildirir ki, bu universitet Çinin müdafiə sahəsində tədqiqat sektoru ilə güclü əlaqələri var və pilotsuz uçuş aparatlarının (PUA) və hipersəs texnologiyasının inkişafına mühüm töhfələri ilə məşhurdur. Hətta onun Xalq Azadlıq Ordusuna (PLA) mənsubiyyəti daha əvvəl onun ABŞ-ın sanksiyalar siyahısına salınmasına səbəb olmuşdu. Mənbə bildirir ki, Çin pilotsuz uçuş aparatlarının 90 faizini istehsal edir və onun ən böyük müştərisi Çin ordusudur. O cümlədən, bu universitetin hazırladığı ilk ornitopter deyil. Xatırladaq ki, eyni adlı universitetin tədqiqatçıları 2023-cü ilin oktyabrında uçuş vaxtı rekordları qıran və beynəlxalq rəğbət qazanan “Xinge” adlı dronu təqdim edib.
