İnsanların ilk sivilizasiyalardan bəri öyrəndikləri və deşifrə etməyə çalışdıqları xarici aləmlə bağlı çoxlu bilinməyən və sual altında qalan məlumatlar var. Ancaq bu gün mövcud olan yüksək texnologiyaya baxmayaraq, bu planetdən kənarda həyat haqqında çox az fakt aşkar edilib. Bildiyimiz kimi, NASA uzun illərdir ki, Marsda həyatın olub-olmadığını öyrənməyə çalışır. Bu mövzuda Yerə ən yaxın planetdə həyatın olduğunu iddia edən bəzi CIA sənədləri yeni ortaya çıxıb. Belə ki, 2017-ci ilə aid olduğu iddia edilən və məxfilikdən çıxarılan CIA sənədləri Marsda həyat olduğunu ortaya çıxarıb.
Xüsusilə Marsın kəşfi, 22 may 1984-cü il başlıqlı sənəddə iddia edilən məlumat hər kəsin diqqətini cəlb dib. CIA-in bu nəticəyə nail olmaq üçün hansı üsullardan istifadə etdiyini açıqlayan sənəd bir çox media qurumunun diqqətini çəkib. Bu üsulla bir subyektin Marsa götürülməsinə cəhd edilir və hətta bu halda eramızdan bir milyon il əvvəlki vaxt belə dəqiqləşdirilir. Ümumiyyətlə, subyekt telepatiya və psixoloji gücləri sayəsində həmin dövrə bir növ geri qayıdaraq nələri gördüyünü danışır. Qeyd edək ki, görülən bütün işlərin hamısı Stargatee layihəsinin bir hissəsi olaraq təsnifləşdirilir.
Bu layihədə iştirak edən insanlar, şüurlarını dəyişdirən və onlara psixi qabiliyyətlər qazandıran vəziyyətə salmaq üçün sinxron səslərə məruz qalıblar. Hər kəsi təəccübləndirən o idi ki, sınaqdan keçənlərdən birinin müəyyən koordinatlarda və müəyyən vaxtda Marsa daşınması və gördüklərinin həqiqətən də təəccüb doğurması və bu sənədlərdə qeyd olunmasıdır. Subyektin ifadələrinə aşağıdakılar daxildir: “Deyəsən… Mənim bir növ… piramida və ya piramida şəklində əyri bir görüntüm var.” CIA agentləri bunu Misirdəkilərlə əlaqələndiriblər. Bundan əlavə, “Onlar çox… hündür adamlardır, çox iri… amma arıqdırlar. Boylarına görə belə görünürlər və olduqları kimi geyinirlər. Oh, lənət olsun! Bu, çox yüngül ipək kimidir, lakin bir növ boş paltar deyil. “Sanki kəsilib və ya ölçülüb.”
Qeyd edək ki, Stargate layihəsi əslində ABŞ hökumətinin SSRİ-yə qarşı yeni silahı olaraq hazırlanmışdı. Layihə düşmənlərin zehninə sıza bilən zehin oxumaq qabiliyyətinə sahib cəsuslar yaratmağı hədəfləyirdi. Hətta CIA bu layihədən müxtəlif əməliyyatlarda da istifadə edib. Sınaq zamanı Marsda olanları fikirləşə bilmək və ya telepatiya ilə bizlərə ötürməsi üçün subyektlərə müəyyən koordinatlara fokuslanmaqları tələb edilib. Məhz bu koordinatlara fokuslanan subyektlər isə yuxarıda qeyd etdiyimiz ifadələri işlədib.
