Financial Times xəbər verir ki, Brüssel Rusiya silahlı qüvvələrinin Ukraynaya göndərilən pilotsuz təyyarələrə nəzarət etmək üçün onlardan istifadə etməsinin qarşısını almaq məqsədilə ölkəyə video oyun konsollarının satışını qadağan etməyi təklif edir. Beləliklə, Avropa Birliyi Rusiyaya oyun konsollarını PUA-ları nəzarət etmək üçün istifadə etdiyinə görə qadağan edə bilər.
Aİ-nin xarici siyasət idarəsinin rəhbəri Kaja Kallas bildirib ki, Sony-nin PlayStation və Microsoft-un Xbox kimi məhsulları Rusiyanın fevralın 22-də Ukraynaya genişmiqyaslı işğalının üçüncü ildönümünə təsadüf etməsi məqsədi ilə sanksiyaların yeni mərhələsində yer alacaq. Kallas bildirib ki, “Biz həqiqətən də Rusiyaya bu müharibəni aparmağa kömək edəcək hər şeyi sanksiyalar siyahısına daxil etməyi axtarırıq. Hətta video oyunları üçün konsollar, çünki görünür, onlarla dronlardan istifadə edirlər.”
Sanksiya siyahısına, həmçinin “Rusiyanın hərbi sənayesi üçün zəruri olan” kimyəvi maddələr daxil ediləcək və mayeləşdirilmiş təbii qazın idxalına məhdudiyyətlər qoyulacaq. FT diplomatik mənbələrə istinadən əlavə edib ki, təklif olunan 16-cı paket, həmçinin Rusiyadan alüminium idxalının məhdudlaşdırılması üzrə tədbirləri də əhatə edəcək. Lakin bunun tam qadağa, yoxsa rüsumların tətbiqindən ibarət olacağı hələ məlum deyil. Xatırladaq ki, ABŞ mərkəzli Microsoft və Yaponiyanın Nintendo və Sony qrupları 2022-ci ilin mart ayının əvvəlində Rusiyada satışlarını dayandırıblar. Yeni Avropa qadağası isə Rusiyaya oyun konsollarının ikinci əl satıcıları üçün də qadağan edilməsini əhatə edir.
