Xiaomi özünün çox gözlənilən ikinci elektrik modeli YU7 SUV-ni Çində təqdim edərək, avtomobilin satış qiymətini açıqlayıb. Maraqlısı budur ki, şirkət, satışa çıxarıldıqdan cəmi bir saat sonra YU7 satışlarının 289.000 ədədə çatdığını açıqlayıb.
Xiaomi YU7-nin 830 km CLTC diapazonlu versiyası Çində 253 500 yuan (təxminən 35 300 dollar) başlanğıc qiymətinə satışa çıxarılıb ki, bu da Çindəki giriş səviyyəli Tesla Model Y-dən 1400 dollar ucuzdur. SU7 2024-cü il martın 28-də satışa çıxarıldığı zaman 27 dəqiqə ərzində 50.000, ilk 24 saat ərzində isə 90.000 qabaqcadan sifariş alıb və il ərzində istehsal gücünü doldurdu. 2024-cü ilin martından 2025-ci ilin mayına qədər cəmi 272.000-dən çox SU7 tədarük edilmişdi. Xiaomi YU7 üç fərqli avadanlıq səviyyəsində təklif olunur: Standard, Pro və Max. Qiymətlər 253.000-329.900 yuana (35.300-46.000 dollar) arasında dəyişir.
Standart versiya 96,3 kWh LFP batareyası ilə 830 km məsafəni təklif edir. O, 235 kVt gücündə tək motorlu arxa ötürücü (RWD) sistemi ilə 0-dan 100 km/saat həddinə 5,88 saniyəyə sürətlənir. Pro versiyası tam ötürücülü (AWD) iki mühərrikli sistemlə birlikdə 365 kVt ümumi güc təklif edir. Eyni akkumulyatorla 770 km məsafə qət edir. Qiyməti 279 900 yuan (39 000 dollar) təşkil edir. Max versiyası isə 508 kVt güc və 866 Nm fırlanma anı hasil edən iki motorlu AWD sisteminə və 101,7 kVt/saat NMC batareyasına malikdir. 760 km məsafə qət edə bilən model 0-dan 100 km/saata cəmi 3,23 saniyəyə sürətlənir. Qiyməti 329.900 yuan ($46.000) təşkil edir. Bütün YU7 modelləri Xiaomi-nin özünün 800V yüksək gərginlikli arxitekturasından və 22.000 RPM-ə çatan V6S Plus mühərriklərindən istifadə edir. Avtomobil 528 kVt-a qədər sürətli doldurmanı dəstəkləyir və cəmi 12 dəqiqə ərzində 10%-dən 80%-ə qədər doldura bilir. 15 dəqiqəlik şarj 620 km məsafə qət edir.
YU7, Xiaomi tərəfindən Modena platformasında hazırlanmış 5 qapılı, 5 nəfərlik yolsuzluq avtomobilidir, uzunluğu 4999 mm, eni 1996 mm, hündürlüyü 1608 mm və təkər bazası 3000 mm-dir. Xiaomi YU7 Tesla Model Y-yə birbaşa rəqib kimi mövqe tutur. Çində Model Y satışları 2025-ci ilin ilk beş ayında əvvəlki illə müqayisədə 24% azalıb. YU7 Çin bazarında BYD Sealion 07, Zeekr 7X, Onvo L60 və Xpeng G7 kimi bir çox rəqiblə rəqabət aparacaq.
