Məlumata görə, Xiaomi 2023-cü ilin sonuna doğru ilk elektromobili təqdim edəcək. Çin mətbuatında yer alan xəbərlərə görə, şirkət Xiaomi 14 seriyası smartfonların da açıqlanacağı payız tədbirində maraqla gözlənilən elektromobil təqdim ediləcək. Xiaomi bu yaxınlarda Çinin Milli İnkişaf və İslahat Komissiyasından avtomobil istehsalına başlamaq üçün icazə alıb. Bu səbəblə şirkət bu gün Pekində həftədə təxminən 50 prototip elektromobil istehsal edir. Başqa sözlə, avtomobilin sınaq istehsalına çoxdan başlanılıb.
Sənaye və İnformasiya Texnologiyaları Nazirliyi (MIIT) tərəfindən veriləcək ikinci və son istehsal icazəsinin yaxın bir və ya iki ay ərzində təsdiqlənməsi gözlənilir. Verilən sənədlər üzərindən sızan məlumat, Xiaomi-nin MS11 kod adlı ilk elektromobili 800 km-ə qədər məsafəni təmin edən 101 kVt/saat tutumlu batareya alacağını göstərir. Lakin böyük bir ehtimalla fərqli modifikasiyalarda dəyişikliklər görəcəyik.
Elektromobilin təxminən 200.000 yuan (27.400 dollar) başlanğıc qiymətinə sahib olacağı deyilir. Bu qiymət aralığında Xiaomi brendi, Tesla Model 3, BYD Seal kimi elektrik avtomobilləri ilə rəqabət aparacaq. Xiaomi ilk mərhələdə ildə 150 000 elektromobili istehsal etməyi hədəfləyir. Lakin bu hədəflərin nə qədər uğurlu olacağı, insanlar arasında nə qədər rəğbət görəcəyi müzakirə mövzusudur. Çünki, daha əvvəl bu rəqəmlər 300 000 səviyyəsində idi.
Maraqlısı budur ki, yeni elektromobilin bir çox müasir texnologiyaya sahib olacağı iddia olunur. Hətta elektrombilin avtonom sürüş funksiyalarından əlavə LİDAR sensorları ilə təchiz ediləcəyi və Qualcomm, Nvidia imzalı platformalar 2ilə işləyəcəyi iddia olunur.
