Alman avtomobil nəhəngi olan Vokswagen çarəni çinli avtomobil istehsalçılarında tapıb. Belə ki, Volkswagen Group Xpeng şirkətinin 5% hissəsini 700 milyon dollara alıb. Beləliklə alman avtomobil nəhəngi elektrikli avtomobil bazarında mövqeyini gücləndirmək və elektromobillərini inkişaf etdirmək üçün çinli istehsalçıdan kömək istəyir. Maraqlısı budur ki, Audi brendi də ötən günlərdə SAIC Motor ilə razılaşma əldə etmişdi. Görünən odur ki, qərb şərqə maraq salır.
Artıq elektrikli avtomobil sahəsində Çinli istehsalçıların üstünlük təşkil etdiyi və daha çox inkişaf etdiyi hərkəs tərəfindən qəbul edilən reallıqdır. Alman avtomobil nəhəngi olan Volkswagen də bu reallığı qəbul edərək Xpeng şirkətinin hissəsini alıb. Beləliklə uzunmüddətli bağlanmış müqaviləyə əsasən avtomobil nəhəngləri Çin bazarı üçün Volkswagen markalı 2 orta ölçülü elektromobil çıxaracaq. Bu elektromobillərin 2026-cı ildə satışa çıxarılacağı gözlənilir. Məhz bu əməkdaşlıq çərçivəsində, Volkswagen brendi Çinli şirkətə 700 milyon dollar investisiya edib. Bu addım ilə Volkswagen çinli nəhəngin direktorlar şurasında da iştirak edəcək.
Maraqlısı budur ki, Çin bazarı üçün çıxarılacaq bu modellər MEB platformasına əsaslanacaq. Ümumiyyətlə əldə edilmiş razılıq əsasında hər iki texnologiya nəhəngi birgə daha çox layihədə iştirak edəcək. Hətta Volkswagen öz mühəndislərini Xpeng şirkətində təcrübə keçməyə də göndərə bilər. Beləliklə alman brendi çinli istehsalçının “sirlərini” öyrənə bilər. Qeyd edək ki, son dövrlərdə Volkswagen brendinin çıxardığı ID seriyalı elektromobillər uğurlar alınıb. Hətta büdcə dostu olan bu modellər ölkəmizdə də tələb görür.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
