Subaru, Tokioda keçirilən Yaponiya Mobility Şousunda təqdim edilən Performance-E STI konsepsiyası ilə brendin əfsanəvi STI performans seriyasının gələcəyini ön plana çıxarıb. Beləliklə, Tokio Drift əfsanələrindən olan Subaru yeni elektrikli konspeti ilə brendin gələcəyindən xəbər verir.
Texniki detallar hələ məhdud olsa da, Subaru, avtomobilin brendin dərin köklü yarış irsindən ilham aldığını və sürücü dostu kokpit quruluşu ilə geniş, rahat bir interyer təklif etdiyini açıqlayıb. Konseptin STI ənənəsinə uyğun bir təməl olan tam ötürücülüyə əsaslanacağı da təsdiqlənib. Performance-E STI-nin mövcud istehsal modelinə əsaslandığına inanılmır. Bu yeni konsepsiya, Subaru-nun 2022-ci ildə təqdim edilən STI E-RA superkarı üçün vizyonunun davamıdır. Yamaha tərəfindən istehsal edilən dörd elektrik mühərriki ilə işləyən bu model, karbon lifli konstruksiyası ilə 1073 at gücünə və cəmi 1690 kq çəkiyə malik idi.
Tokio stendində həmçinin mövcud Impreza-nın STI konsept versiyası nümayiş etdirilib. Bu modelin ABŞ və Yaponiya bazarlarında satılan WRX-in varisi kimi istehsala girməsi ehtimalı var. Subaru bildirib ki, boksçu mühərriki və tam ötürücü sistemi ilə təchiz olunmuş bu model “daha çox müştəriyə sürücülük zövqü bəxş etmək üçün nəzərdə tutulub”. İstehsal planları hələ açıqlanmayıb, lakin indi aydındır ki, Subaru elektrikləşdirmə və performansı birləşdirən yeni STI kimliyi üzərində səylə çalışır.
