Bu ilin birinci rübündə dünyanın ən çox satılan avtomobili Elon Musk-ın Tesla Model Y avtomobili olub. Belə ki, Model Y avtomobili dünyanın ən çox satılan avtomobilləri arasında ilk elektrikli avtomobildir. Sənaye analitiki Jato Dynamics bildirir ki, Model Y 2023-cü ilin birinci rübündə ötən ilin ən çox satılan Toyota Corolla modelini ötərək birinci yerdə qərarlaşıb. Qeyd edək ki, Tesla Model Y bir neçə ildir ki, dünyada sürətli şəkildə yayılmağa və istifadə olunmağa başlayıb. Hətta Tesla brendi Model Y elektromobilini təqdim edərkən onun 1 milyon ədəd satılacağını iddia etmişdi.
Qeyd edək ki, Tesla Model Y avtomobili bu ilin birinci rübündə 267 min ədəddən çox satılıb. Belə ki, bu ilin birinci rübündə dünyanın ən çox satılan avtomobilləri sırasında ikinci sırada 256 min ilə Toyota Corolla dayanıb. Lakin Tesla elektromobilinin ilin sonuna qədər daha çox satılacağı düşünülür. Hətta analitiklər bu ilin sonunda da siyahıda liderin məhz Tesla Model Y elektromobilinin olacağını iddia edir. Tesla Model Y elektromobilin bu qədər satılmasının əsas səbəbi daha uyğun qiymətə və daha müsair xüsusiyyətlərə sahib olmasıdır. Maraqlısı budur ki, ötən il Model Y elektromobili Çində belə ən çox satılan dördüncü avtomobil olmuşdu.
Qeyd edək ki, Çin hal-hazırda elektromobillər üzərində ixtisaslaşıb və dünyada ən çox elektromobil satan ölkə məhz Çin hesab olunur. Lakin buna baxmayaraq Tesla Model Y çinin ən satılan avtomobili siyahısındadır. Qeyd edək ki, Tesla Model Y elektromobili hal-hazırda 47490 dollar başlanğıc qiyməti ilə təklif olunur. Long Range veriyası 50490 dollar və Performans versiyası 54490 dollar olan elektromobil əlavə xususiyyətlər də təklif edir. Məsələn avtomobilin rəngini Gümüşü, Qara, Göy və Qırmızı etmək üçün istifadəçilər əlavə 1000 dollar xərcləməlidir. Bundan başqa isə avtopilot funksiyası üçün də brend əlavə vəsait tələb edir.
