Tesla CEO-su Elon Musk, yaxınlarda istifadəyə verdikləri Grok süni intellekt texnologiyasını elektrikli avtomobillərə inteqrasiya etməyi planlaşdırdıqlarını bildirib. Bildiyimiz kimi, Grōk Elon Musk-ın yeni təşəbbüsü xAI tərəfindən hazırlanmış süni intellekt sistemi olaraq ötən həftə sonu istifadəyə verilmişdi.
Sözügedən sistem sualları yumoristik şəkildə cavablandırmaq və hətta hansı sualların hansı tip veriləcəyini əvvəlcədən proqnozlaşdırmaq qabiliyyətinə belə malikdir. Şirkət Grōk üçün X (Twitter) məlumatlarından istifadə edəcəyini daha əvvəl paylaşıb. Musk, bu texnologiyanı birbaşa sosial media platformasında premium abunə vasitəsilə təqdim edəcəklərini də əlavə edib.
Tesla Grōk-un daha kompakt və sürücülər üçün yararlı olacaq versiyasını elektrik avtomobillərinə inteqrasiya etməyi düşünür. Musk əvvəlki açıqlamasında, nəqliyyat vasitələri sahiblərinin ehtiyaclarını təxmin edə bilən və lazımi işləri avtomatik yerinə yetirə bilən avtomobillər təklif etmək istədiklərini demişdi. Elon Musk-ın öz şirkəti altında hazırlanan süni intellekt də Tesla elektromobillərinə rahatlıqla inteqrasiya oluna biləcək.
Grōk ümumilikdə bütün paralel şirkətlərin vizyonunun bir hissəsi kimi önə çıxmağa hazırlaşır. Çünki, Elon Musk-a məxsus şirkətlərin bir çoxunda artıq süni intellekt imkanları tətbiq edilə bilən mərhələyə doğru təkmilləşir. Çatbotun Tesla avtomobillərinə inteqrasiyası üçün hələ ki, rəsmi vaxt qrafiki yoxdur. Bununla belə, Grōk hazırda bəzi X istifadəçiləri üçün erkən girişdə əlçatandır. İstifadə miqyasının zamanla daha da genişlənəcəyi gözlənilir.
