Elon Musk Tesla brendinin ən yeni modeli Cybertruck modelinə əlavə etdiyi yeniliklərlər ilə diqqət çəkməyə davam edir. Belə ki, ötən ay təqdim edilən Tesla Cybertruck modelinin indi suda qayıq kimi üzə biləcəyi barədə Elon öz hesabından açıqlama yayıb. O bildirib ki, “Biz Cybertruck-a qayıq kimi ən azı 100 metr suda hərəkət etməyə imkan verən mod paketini təqdim edəcəyik”. Hətta onu sözlərinə görə bunu reallaşdırmaq üçün əsasən elektromobilin qapılarını təkmilləşdirmək lazım gələcək.
Maraqlısı budur ki, Musk bu yeniliyi başqa bir X istifadəçisi Sawyer Merrittin yazısına cavab verərkən elan edib. Məhz belə bir futuristik yeniliyin bir anda yayılması da bütün gözlərin yenidən Cybertruck modelinə yönəlməsinə səbəb olub. Beləliklə Tesla Cybertruck həm də qayıq kimi 100 m suda suda üzə biləcək. Qeyd edək ki, ilk dəfə Cybertruck modeli 2019-cu ildə elan edilmişdi. Ötən ay isə rəsmi təqdimat mərasimindən sonra elektromobilin tədarükünə başlanılmışdı. Lakin elektromobilin tədarükü gözləniləndən çox yavaş olduğu üçün həvəskarlarını məyus etmişdi.
Əslində avtomobillərdə qayıq funksiyasını olması və ya onların suda üzməsi heç də yeni deyil. Belə ki, oxşar funksiya əlavə modifikasiya olmadan Çinin YangWang U8 SUV modelində mövcuddur. İndi isə Tesla öz SUV elektromobilinə əlavə edəcəyi modifikasiya ilə onun üzməsinə imkan verəcək. Hələlik bu modifikasiyanın nə qədər qiymətə təklif ediləcəyi və ya nə zaman təqdim ediləcəyi məlum olmasa da, yaxın gələcəkdə mümkün olması gözlənilmir. Buna əsas səbəb də təbii ki, Cybertruck modelinin istehsal müddətinin çox uzun olmasıdır. Tesla Cybertruck sifarişlərini çatdırmaqda belə çətinlik çəkir.
