Roam Air, şirkətinin hazırladığı motosiklet yüngül, sadə dizaynlı və ən əsası ucuz olması ilə rəqiblərindən fərqlənir. Elektrikli motosiklet iki çıxarıla bilən batareya paketinə sahibdir. Əgər iki batareya paketinə də sahibsinizsə elektrikli motosiklet 180 km yol qət edə biləcək. Bu motosiklet “Afrika şəhər və kəndlərində yaşayan sakinlərin ehtiyaclarını necə ödəyə bilərik” prinsipi ilə hazırlanmışdır. Roam Air şirkəti, bu elektrikli motosikleti Keniyada hazırlamış və istehsal etmişdir. İndi siz düşünün ki, elektrikli dövrü nə qədər önəmli və gələcək üçün vacib sahələrdən biridir.
Afrika sakinləri 2016-cı ildə 3,5 milyon yeni motosiklet alıblar. 2030-cu illərin əvvəllərində bu rəqəmin ildə 10 milyonu keçəcəyi gözlənilir. Afrikanın şəhər və kəndlərində İctimai nəqliyyat qeyri-kafi olduğundan elektrikli motosiklet onlar üçün çox əlverişli olacaq. Roam şirkətinin istehsal etdiyi bu elektrikli motosikleti insanlar, şəhərətrafı nəqliyyat vasitəsi və moto taksi kimi istifadə edə biləcəklər. Motosiklet sakinlərin qazanc mənbəyinə çevrildiyindən bu motosiklet Afrika üçün böyük rola malik olacaq. Lakin eyni zamanda qlobal bazarda da satışa çıxarılacaq.
Motosikletin mühərriki 185 Nm gücə sahibdir. Çəkisi isə 135 kiloqram təşkil edir. Bu elektrik mühərriki vasitəsi ilə motosiklet 90 km/saat maksimal sürətə təxminən beş saniyə ərzində çata bilir. Motosiklet 220 kiloqrama qədər sərnişin və yük daşıya bilər. Roam Air modeli 4-ü irəli, 1-i arxaya olmaqla sadə motosikletlərə bənzəyən güc ötürməsinə sahibdir.
Bir ədəd 3,24 kVt/saatlıq batareya paketi ilə 90 km yol qət etmək olur və 1 ədəd batareya paketli variantı üçün 1500$ ödəyirsiniz. 2 ədəd batareya paketi isə düz riyaziyyat ilə 180 Km məsafə qət edir və bu zaman 2050$ ödəmək məcburiyyətindəsiniz. Keniyanın paytaxtı Nayrobidə yerləşən Raom şirkəti həmçinin başqa enerji sistemləri və nəqliyyat vasitələri də istehsal edir. Bunlara elektro-konversiya tipli avtomobil, yaşayış üçün günəş enerji sistemləri, elektrikli avtobuslar və.s. daxildir.
