Polestar şirkəti, mart ayında futuristik görünüşlü O₂ elektrikli konseptini təqdim etmişdi. Avtomobil insanlar tərəfindən o qədər yüksək dərəcədə müsbət rəylər almağı bacarıb ki, Polestar O₂ modeli seriya istehsalına başlanmasına qərar verilib.
Belə ki, nəticələrdən məmnun olan Polestar rəhbəri bildirir ki, yüksək sürətli elektrik kabrioleti 2026-cı ildə yollarda olacaq. Yeni model, Polestar 6 kimi adlandırılacaq və seriya istehsalına uyğun formada hazırlanacaq.
Polestar avtomobil şirkəti, Polestar O₂ modelinin batareya ölçüsü və başqa digər xüsusiyyətləri haqqında hələ ki, detallı məlumat verilmir. Şirkət, növbəti bir neçə il yeni model barədə daha detallı informasiya veriləcəyini bildirib. Elektromobilin 800 volt arxitekturalı batareyaya sahib olacağı qeyd edilir. İki ədəd elektrik mühərriki ilə 884 at gücü və 900 nm fırlanma anı hasil edəcək. 100 km/s sürətini təqribi 3.2 saniyəyə toplayacaq. Yürüyüş məsafəsi isə ortalama 595 Km təşkil edəcək.
Ehtimallara görə elektromobilin Polestar O₂ konsept variantından fərqli olaraq Polestar 6 modelində xüsusi dron mövcud olmayacaq. Hansı ki, siz bu dron vasitəsilə avtomobil gedərkən sürüşünüzü dron ilə izləyib və ya qeydə ala bilərdiniz. Lakin elektromobilin eksteryerində dəyişiklik edilməsi gözlənilmir.
Brendin Polestar 2 sedan modelinin sifarişləri il sonuna qədər demək olar tamamilə doludur. Pandemiya, şirkətin Çin istehsal müəssisələrinə böyük zərər vurub. Polestar şirkəti, 2022-ci il üçün istehsal hədəfini 65.000 avtomobildən 50.000-ə endirib. Seriya istehsalına hazırlanan Polestar 6 variantı da məhdud sayda istehsal edilə bilər. Modelin ilk 500 nüsxəsi Polestar 6 LA Concept olaraq adlandırılıb, xüsusi buraxılış kimi satışa çıxarılacaq. Sonrakı sifarişlərdə isə ümumilikdə neçə ədəd elektromobilin istehsal olunacağı dəqiq deyil.
