Uzun müddətdir barəsində söz-söhbət olan, münasib qiymətə Tesla Model Y-nin iddia edilən yeni şəkli ortaya çıxıb. The Tesla Newswire tərəfindən paylaşılan görüntünün vebsayta əlavə edilən yeni kodlar vasitəsilə ortaya çıxdığı deyilir.
“Tesla Model Y Standard” adlandırılan yeni versiya daha sadə faralar və yeni 18 düymlük təkər diskləri ilə yenidən işlənmiş ön hissəyə malikdir. Məlumatlara görə, modeldə HEPA filtri, arxa ekran və ya şüşə tavan kimi funksiyalar olmayacaq. Yeni versiyanın xüsusiyyətlərinə 15,4 düymlük mərkəzi sensor ekran, daha sadə salon, parça üzlük, əllə tənzimlənən arxa hava ventilyatorları, əl ilə tənzimlənən sükan və ön bamper kamerası daxildir.
Tesla Model Y Standardının ABŞ-da 39 900 dollardan başlayan qiymətlərlə satıldığı bildirilir. Avropada onun qiyməti 35.000 avrodan aşağı olacaq.Bununla belə bu modelin tam dizaynı və ölçüləri demək olar ki, məlum deyil. Lakin, onun Y modelindən bir qədər ensiz və qısa olduğu ortaya çıxan görüntülərdən bəlli olur. Bu isə təbii ki, onun Y-modelində daha az diz məsafəsi və baqaj həcminə sahib olmasına gətirib çıxaracaq.
