Son dövrlərdə avtomobil nəhəngləri ənənəvi dizaynlarından imtina edərək, daha müasir dizaynlara keçid edirlər. Bununla bərabər brendlər daha müasir texnologiyaları öz avtomobillərinə əlavə edirlər. Bütün bunlara baxmayaraq JD Power tərəfindən aparılan araşdırma göstərir ki, müasir avtomobillərdə keyfiyyət aşağı düşüb. Belə ki, avtomobil istehsalçıları yeni modellərinə getdikcə daha çox texnologiya əlavə etsə də, keyifiyyətlərini qurban verirlər. Bir çox avtomobil istifadəçisi brendlərin yeniliklərindən narazı olduqlarını bildirirlər.
Ümumiyyətlə bütün sahələrdə olduğu kimi, avtomobil sahəsində də daim yeniliklər olur. LİDAR texnologiyaları, daha təkmilləşmiş əməliyyat sistemləri, daha keyfiyyətli ekran panelləri və digərləri buna misal ola bilər. Qeyd edək ki, JD Power araşdırma şirkəti bu il satışa çıxarılmış yeni avtomobillərin 93 mindən çox istifadəçisi arasında araşdırma aparıb. Aparılan araşdırma zamanı hər 100 nəqliyyat vasitəsinə düşən problemlərin sayı bal ilə ifadə olunub. Bu balın miqdarı nə qədər çox olarsa, keyfiyyət də bir o qədər aşağı olur.
Yekunda məlum olub ki, hər 100 avtomobildə orta hesabla 192 problem var. Məhz buna görə də müasir avtomobillərdə keyfiyyət daha aşağıdır ifadəsi formalaşır. Müqayisə üçün deyək ki, bu göstərici ötən ildən 12 bal, 2021-ci ildən isə 18 bal çoxdur. İstifadəçilərin əksəriyyəti bildirir ki, bəzi yeniliklər keyfiyyəti aşağı salır. Məsələn avtomobillərin salonunda olan stəkan tutacaqları, simsiz enerji doldurma, ekran panelləri və digər funksiyalar səbəbi ilə daha kiçik və keyfiyyətsiz olur. Həmçinin avtomobillərin qapı tutacaqları, və siqnalları da əvvəlkindən daha pisdir. Hətta bəzi istifadəçilər siqnalların səsinin müasir avtomobillərdə daha az olduğunu iddia edib.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
