Bloomberg tərəfindən verilən məlumata görə 2024-cü ilin yayında kod adı Juniper olan yeni Model Y istehsalı start götürəcək. İki ildir Avropada ən çox satılan avtomobil olan və Çindəki gərgin rəqabətə baxmayaraq seqmentdə liderliyini davam etdirən Model Y, Model 3 Highland kimi daxili və eksteryerində geniş miqyaslı dizayn dəyişikliklərinə məruz qalacaq.
![](https://tedroid.com/media/2023/12/tesla-model-y-dizayn-deyisir-1024x576.jpg)
Giga Şanxay fabrikində qismən yenilənmədən keçəcək dəyişdirilmiş xətlərdə istehsalın ilk olaraq gələn ilin yayında başlayacağı təxmin edilir. Bununla belə, Tesla-nın istehsal olunduğu Giga Berlində gələn ilin sonuna qədər yeni Model Y-nin istehsalına başlanacağı ehtimalı yüksəkdir. Bu da Model Y-nin yeni dizayn ilə gələn variantını Avropa regionuna yaxın ölkələrə ixracı asanlaşdıracaqdır.
Makiyajdan sonra yeni Model Y böyük ehtimalla Model 3-də daha yüksək mənzilli “standart” diapazonlu batareyaya keçəcək və ya aerodinamik səmərəliliyin artması ilə eyni batareya tutumunda qalsa belə enerji sərfiyyatı azalacaq. Cybertruck-da mövcud olan 48V aşağı gərginlikli arxitekturaya keçid və 800 volt elektrik arxitekturası kimi yeniliklərin yeni avtomobilə inteqrasiya olunub-olunmayacağı qeyri-müəyyən olaraq qalır.