Cənubi Koreyanın avtomobil istehsalçısı Kia, oturacaqlar səhv quraşdırıldığına görə ABŞ bazarında satılan təxminən 23 000 ədəd EV9 modelini geri çağırmalı olub. Kia üçün utancverici kobud səhv kimi qiymətləndiriləndə günah konveyerdə işləyən bir işçinin üzərinə qoyulur. Müəyyən edilib ki, 25 sentyabr 2023-cü il və 15 oktyabr 2024-cü il tarixləri arasında Kia-nın Qvanqmyeonq fabrikində istehsal olunan 22 883 EV9 modelində ikinci və/və ya üçüncü sıra oturacaq montaj vintləri çatışmır. Bu məlumat ABŞ-ın Avtomobil Yolları Hərəkətinin Təhlükəsizliyi üzrə Milli Administrasiyasına (NHTSA) təqdim edilən sənədlərdə yer alıb.
Kia səhvin mənbəyini tək bir “montaj xətti işçisi” ilə əlaqləndirib. Bildirilir ki, bu işçi qeyri-müəyyən sayda avtomobildə oturacaq vintlərini düzgün şəkildə bərkitməyi unudub. Bildirilir ki, problem ilk dəfə sentyabr ayında müştərinin 2024-cü il model EV9-un üçüncü cərgə oturacaqlarının düzgün quraşdırılmadığını və vintlərin əskik olduğunu bildirməsi ilə ortaya çıxıb. Bu hadisədən sonra ABŞ-da ikinci oxşar hadisə aşkarlanıb. Vəziyyəti ətraflı araşdırmaq üçün Kia təsadüfi olaraq Cənubi Koreyadakı fabrikindən gətirilən 90 EV9 seçdi. Maraqlıdır ki, yoxlanılan heç bir avtomobildə oturacaqların əskik və boş vintləri aşkar edilməyib.
Bununla belə, Kia təsirə məruz qalan avtomobillərin ardıcıl istehsal edilmədiyini vurğuladı və bütün sahiblərə yerli dilerləri ilə əlaqə saxlamağı tövsiyə edib. Nəticədə Kia, həmin işçinin neçə elektromobildə bu səhvi etdiyini və oturacaqlar montajlanarkən lazım olandan az vint quraşdırdığını dəqiq bilinmir.
