Hyundai şirkəti elektromobillərlə bağlı innovativ yeniliklər təklif etməyə davam edir. Belə ki, şirkətin premium brendi hesab edilən Genesis bölümü tərəfindən Genesis GV60 elektromobili biometrik təhlükəsizlik cəhətdən bir çox yenilik gətirən ilk avtomobil kimi tarixə adın yazdırıb. Genesis GV60 modelinin 2023 model bir sıra yeni funksiyalar qazanıb. Özlüyündə GV60 elektromobili eyni platformalar üzərində qurulan Ioniq 5 və Kia EV6 modellərinin premium versiyasıdır.
GV60, Face Connect adlı təkmil üz tanıma sisteminə malikdir. Bu, avtomobil sahibinə açar üzük və ya mobil telefona ehtiyac olmadan avtomobilə girib idarə etməyə imkan verir. NIR adı verilmiş prosessor ilə birləşərək, istər gecə, istərsə də yağışda istənilən şəraitdə avtomobilin sahibini etibarlı şəkildə müəyyən edə bilir. Əlavə üstünlük profilin geniş tanınmasıdır. Avtomobil sürücünün kim olduğunu öyrəndikdən sonra hər şeyi fərdi tələblərə uyğunlaşdırır. Qapının açılmasından tutmuş sürücünün oturmasına qədər bütün detallar sima ilə sazlanır.
Üç nəfərə qədər istifadəçi avtomobildə qeydiyyatdan keçə və öz fərdi profillərinə sahib ola bilər. Rəqəmsal açar 2.0 olaraq adlandırılan yenilik təhlükəsiz və etibarlı əlaqə və gücləndirilmiş təhlükəsizlik təmin etmək üçün Bluetooth, UWB və NFC-dən də istifadə edir. Qeyd edək ki, sürücü avtomobildən təqribən 1 metr aralıda olduqda, qarşılama işıqları yanır və mövqe tanıma funksiyası avtomobilə sürücünün hansı qapının yanında dayandığını bilməyə imkan verir.
Bundan əlavə, GV60-da barmaq izinin tanınması var. Avtomobil, sadəcə olaraq sensora baş barmağınızı sıxmaqla aktivləşdirilə bilər, beləliklə, açar ehtiyacı da aradan qaldırılır. Bütün bu həllər təhlükəsizliyi artırır, yalnız həqiqi sahibliyə malik şəxslərin avtomobilə daxil olmasını təmin etmək üçün çox qatlı təhlükəsizlik rolunu oynayır.
Bununla bitmir, elektromobil sahibinə ödəniş kartları və ya mobil telefonlara ehtiyac olmadan ictimai stansiyalarda enerji doldurmağa imkan verən ən son PCID sistemindən istifadə edir. Ödəniş məlumatı avtomobildə saxlanılır və şarj cihazı qoşulan kimi məlumat xidmət təminatçısı ilə mübadilə edilir. Genesis-in Shell Recharge ilə müqaviləsi var və Genesis Charge Pass xidməti sayəsində dəstəkləyən ölkələrdə işinizi daha asanlaşdırır. Əlavə olaraq isə, elektromobil texniki cəhətdən bəzi yeniliklər almışdır.
