Bildiyimiz kimi, hazırda Çində hibrid və ya elektrikli avtomobillər üzrə qızğın qiymət müharibəsi davam edir. Belə ki, Çinli avtomobil nəhənglərindən biri olan Li bildirib ki, bazarda gərgin rəqabət BYD-ni qiymətləri aşağı salmağa məcbur edir. Onun sözlərinə görə, “Bu gün biz yeni bir model buraxırıq, iki ay sonra rəqiblərimiz eyni modeli daha böyük və 10-20 min yuan ucuz satırlar. Bu sağlam deyil, amma yaşamaq üçün məcburuq”. Beləliklə, BYD özü də Çində qiymət müharibəsinin vəziyyəti pisləşdirdiyini etiraf edib.
May ayının sonunda BYD 22 model üzrə qiymətləri endirmişdi. Hətta Bəzi avtomobillərdə endirim dərəcəsi 30 faizi ötüb. Bu aqressiv addım şirkətin 2025-ci il üçün təyin etdiyi 5,5 milyon ədəd satış hədəfinin bir hissəsidir. Bununla belə, ilin ilk dörd ayında satışlar cəmi 15 faiz artıb. Bu, hədəfə çatmaq üçün daha çox səy göstərməyin lazım olduğunu göstərir. BYD-dən sonra Chery, Leapmotor və IM Motors kimi markalar da oxşar endirimlər edib. Bu hadisələr Çində qiymət müharibəsinin daha da dərinləşəcəyi ilə bağlı narahatlıqlara səbəb olub.
Vəziyyətə müdaxilə edən Çin Avtomobil İstehsalçıları Birliyi (CAAM) mayın 31-də verdiyi açıqlama ilə sektora çağırış edib. Birlik, qeyri-müntəzəm qiymət endirimlərinin şirkətlərin mənfəət marjalarını pozduğunu və rəqabət mühitini pozduğunu bildirərək onlara bu qiymət müharibəsinin sonladırılmasının faydalı olacağı ilə bağlı xəbərdarlıq edib. Stella Li müsahibədə BYD-nin Avropa ilə bağlı planlarına da toxunub. Şirkətin önümüzdəki illərdə Avropaya 20 milyard dollara qədər sərmayə qoymağı planlaşdırdığını ifadə edən Li, BYD-nin hələlik avropalı istehsalçılarla əməkdaşlıq planının olmadığını vurğulayıb. BYD hələ ki, Çində öz satışlarını rekord həddə çatdırmağı hədəfləyir.
