BMW şirkəti avtomobillər üçün yaratdığı abunəlik sistemi xakerlər tərəfindən hücuma məruz qalıb. Xakerlər, avtomobillərin sistem funksiyalarına daxil olaraq, təhlükəsizlik sistemini keçə biliblər. Bu ayın əvvəlində BMW öz avtomobillərində abunəlik proqramına bəzi yeniliklər əlavə edəcəyini açıqlamışdı. Abunəlik proqramına əlavə edilən əsas yeniliklərdən biri isə isinə bilən oturacaqlar idi. Şirkət, avtomobil istifadəçilərinə bu xidməti 18 dollara təklif edir. Lakin, qızdırıla bilən oturacaq sistemi xakerlərin diqqətindən yayınmayıb. Həmçinin məlum olub ki, bəzi BMW sahibləri abunəlik funksiyalarından pulsuz istifadə edirlər.
BMW şirkətinin abunəlik sistemi xakerlər tərəfindən hücuma məruz qalıb!
İyul ayından etibarən BMW şirkəti, “premium” funksiyaları həyata keçirmək üçün yeni abunəlik proqramını yeni ölkələrdə də istifadəyə verib. İlk dəfə Cənubi Koreyada başlayaraq isə abunəlik proqramına qızdırılan oturacaqlar və bəzi yeni funksiyalar əlavə edilib. BMW tərəfindən təklif olunan abunə əsaslı funksiyalar avtomobildə mövcud olsa da qapalı olaraq saxlanılır. Əgər bu funksiyalardan istifadə etmək istəyirsinizsə avtomobilinizdə abunəlik almalısınız. Bazarda fəaliyyət göstərən bəzi xakerlər bu xidməti öz xeyirləri üçün istifadə etməyə başlayıblar. Xakerlər daha ucuz qiymətə xüsusiyyətləri açmağı təklif etməklə BMW şirkətini çətin vəziyyətə salıblar.
Xakerlər, qızdırıla bilən oturacaq funksiyasını ayda 18 dollara satan BMW şirkətinin müştərilərini “aldatdığını” bildiriblər. Onlar avtomobil sahiblərinə daha münasibət qiymətə, təhlükəsizlik kamerası, isinə bilən sükan, adaptiv avtopilot sistemi və.s. kimi xidmətləri kiliddən çıxarmağı təklif ediblər.
BMW şirkəti bu mövzu ilə bağlı açıqlama verib:
BMW avtomobillərinə kənardan müdaxilə etmək qadağandır. Biz şirkət olaraq, kənardan müdaxilə və ya qeyri-rəsmi təmir olunduqa proqram təminatı dəstəyini ləğv edə bilərik. Hətta, avtomobil sahiblərini məhkəməyə vermək hüququna belə malikik.
Alman avtomobil istehsalçısı bildirib ki, abunəlik sisteminə keçid müştəriləri üçün üstünlükdür. BMW-nin dediyinə görə, abunəlik sistemində olan funksiyalar heç bir avtomobildə yoxdur. Abunəlik sistemi bu funksiyaları sınaqdan keçirməyə imkan verir. Funksiyalar yalnız avtomobil istehsal edildikdə əlavə edilir. Avtomobil sahibləri sınaq prosesini aktivləşdirməklə funksiyanı sınaqdan keçirə bilərlər.
BMW-nin xakerlər tərəfindən hücuma məruz qalması haqqında siz nə düşünürsüz? Fikirlərinizi aşağıdan rəylər bölməsində bizimlə bölüşə bilərsiniz.
