BMW brendi uzunmüddətdir bazarda olan CE 04 modelinin daha kompakt versiyası olan CE 02 motosikletini və ağıllı eynəyini təqdim edib. Belə ki, yeni CE 02 elektrikli motosiketi seriyanın futuristik dizaynına sadiq qalıb. 2024-cü ilin yazında satışa çıxarılacaq yeni motosiklet 2 fərqli versiyaya sahibdir. Bu versiyalar həm çəkisinə həm də mühərrikinə görə fərqlənir. Ümumiyyətlə yeni motosiklet BMW keyfiyyətinə və müasirliyinə sahibdir.
Qeyd etdik ki, BMW CE 02 elektrikli motosikletini 2 versiyada təqdim edib. Onlardan biri 119 kq çəkiyə malikdir və mühərriki 5 at gücü hasil edir və 45 km/saat sürətə malikdir. Həmçinin bu model sadəcə 45 km mənzilə malikdir. Digər versiya isə 132 kq çəkiyə malikdir və mühərriki 15 at gücü hasil edir. 95 km/saat sürətə malik olan bu model 90 km mənzilə malikdir. Qeyd edək ki, hər iki versiya 20-80% faiz batareyanı sadəcə 170 dəqiqədə yəni 2 saat 10 dəqiqədə doldura bilir. Lakin 0-100% batareyanı doldurmaq 330 dəqiqə və ya 5 saat yarım vaxt sərf edir. Əsasən gənclərə xitab edən elektrikli motosikletin sükanında 3.5 düymlük ekran paneli mövcuddur. Bu ekran panelində isə motosikletin bəzi vacib məlumatları əks olunur.
Maraqlısı budur ki, yeni motosiklet ağıllı eynək ilə birgə təqdim edilib. Yeni ağıllı eynək avtomobil və ya motosikleti idarə edərkən bəzi lazımi məlumatları özündə əks etdirir. Belə ki, bu məlumatlara naviqasiya, sürət və sairə aiddir. 10 saat istifadə imkanı təklif edən bu eynəklər 757 dollar qiymətə satılır. Həmçinin yeni BMW CE 02 motosikleti 7600 dollar başlanğıc qiymətinə sahib olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
