Gün keçdikcə təkmilləşən elektromobillər performanslarını da artırır. Belə ki, The Wall Street Journal mənbəsi bildirib ki, ABŞ-da son 10 ildə satılan və istehsal edilən elektromobillərin mənzilləri 2 dəfə artıb. Qeyd edək ki, məlumatlar ABŞ ətraf mühitin mühafizəsi agentliyi tərəfindən rəsmi olaraq verilib. 2012-2022-ci illərdə dünyanın texnologiya mərkəzlərindən biri olan ABŞ-da elektrikli avtomobillərin performansı möhtəşəm səviyyədə artıb. Ümumiyyətlə elektrikli avtomobil istehsalçıları bir-birləri ilə daim rəqabətdə olduğu və yenilk axtardığı üçün batareya tərəfini təkmilləşdirir.
Ümumiyyəltə son 10 ildə nəinki ABŞ-da bir çox ölkədə istehsal edilən elektromobillərin mənzilləri irəliləyib. Belə ki, hal-hazırda ən yüksək mənzilə sahib elektromobillərdən biri ABŞ üçün 832 km ilə Lucid Air modelidir. Elektromobil istehsalçıları bəzən daha çox mənzil vədd etsə də, modelləri test sürüşündə daha az mənzilə malik olur. Burada mənzilin az olmasına bir çox faktor səbəb ola bilir. İlk faktorlardan biri təbii ki, sürətdir. Sürət nə qədər çox olarsa mənzil bir o qədər aşağı düşür. İkinci əsas faktorlardan biri isə relyefdir. Dağlıq və ya kələ kötür ərazilərdə elektromobillərin mənzili düz yoldakı mənzildən daha az ola bilir. Bəzən isə bu performansa kondisaner və.s kimi funksiyalar da təsir göstərə bilir.
Hal-hazırda elektromobil istehsalçıları elektromobil modellərinin performansını və mənzilini artırmaq məqsədi ilə aerodinamika və batareya tərəfinə daha çox diqqət ayırır. Məhz bu səbəbdən də son 10 ildə elektromobillərin mənzilləri 2 dəfədən çox artıb. Lakin qeyd etmək lazımdır ki, avtomobilin aerodinamikası bir çox amili dəyişə bilir və onun performansına mühüm təsir göstərir. Son dövrlərdə isə elektromobil istehsalçıları yeni batareya texnologiyalarını sınaqdan keçirir. Hansı ki, bu batareyalar normal Litium-ion batareyalardan daha kiçik və daha çox tutumlu olur. Hətta yeni texnologiya bir çox elektromildə uğurla sınaqdan keçirilib.
