Ötən günlərdə keçirilən Far Out tədbirində Apple şirkəti iPhone 14, iPhone 14 Pro və İphone 14 Pro Max modelləri ilə birlikdə iPhone 14 Plus modeilini də təqdim etmişdi. Son xəbərlərə görə Apple şirkəti iPhone 14 Plus modellərinin komponent istehsalını 90%-dək azaldıb. Hətta bəzi tədarükçülər smartfon istehsalı üçün komponent təminini tamamilə dayandırıb. Bir müddət əvvəl isə müəssisələrə smartfon istehsalının da 40%-dək azaldılması tapşırılmışdı. İndi isə komponent tədarükünün demək olar dayandırılması, dolayı olaraq smartfonun istehsalının dayandırılmasına gətirib çıxaracaq. Buna səbəb smartfona olan tələbatın az olması kimi qiymətləndirilir.
iPhone 14 Plus modelinin istehsalının azaldılmasının səbəbi nədir?
Apple Far Out tədbirində iPhone seriyasının yeni modellərini təqdim etdikdən sonra, analitiklər arasında bir neçə iddia irəli sürülmüşdü. Bir çox analitik smartfonun gözlənilən populyarlığa çatmaması səbəbindən istehsalının azaldılacağını iddia edirdi. Bu ayın əvvəlində məşhur Apple analitiki Ming-chi Kuo da iddia etmişdi ki, iPhone 14 Pro modelləri iPhone 14 və iPhone 14 Plus ilə müqayisədə daha çox tələb olunur. İndi isə bu ehtimal getdikcə öz təsdiqini tapır. Üstəlik smartfon sadəcə 2 həftədir satışa çıxarılıb. Yəni iPhone 14, iPhone 14 Pro və iPhone 14 Pro Max modelləri ilə müqayisədə daha gec bazara açılıb. Yəni nəticədə daha gez bazara çıxan model, 1 ay tamam olmadan istehsaldan çıxarılır deyə bilərik. Digər bir tərəfdən isə, şirkət tədarükçülərə iPhone 14 Pro və iPhone 14 Pro Max modellərinin istehsalını artırmağı tapşırıb. Ehtimallara görə iPhone 14 Plus modeli bu ilin sonuna qədər 10 milyon ədədə qədər satmalıdır. Yenə də bu rəqəm belə Apple şirkətinin bu smartfondan xeyir əldə etməsi üçün kifayət edəcək.
Cihaz yüksək kontrast nisbətinə, geniş rəng dərinliyinə, 1200 nit parlaqlığa və 60Hz tezlikli Super Retina XDR OLED panellə təchiz olunmuş 6.7 düymlük ekrana sahibdir. Smartfonun arxa tərəfində ikili 12MP kameraları görmək mümkündür. Həmçinin smartfon selfi və video zənglər üçün ideal olan 12MP ön kameraya malikdir. Performans cəhətdən cihaz Apple-ın A15 Bionic çipsetindən güc almaqdadır. Aydın məsələdir ki, cihazın sahib olduğu texniki xüsusiyyətlər də mükəmməl dərəcədə güclü olmadığından istifadəçilər bu cihaza maraq göstərmir. Bəlkə də ekran ən azından 120Hz tezliyə malik olsa, istifadəçilərin seçimi üçün məntiqli bir əsas olardı.
