Apple-ın gələn il təqdim edilməsi gözlənilən yeni virtual reallıq eynəyi istifadəçilər üçün IRIS skanerinə sahib olacaq. Bu isə o deməkdir ki, ənənəvi Face ID üz tanıma texnologiyasına analoq olaraq, Apple göz bəbəyi tanıma texnologiyasını gətirəcək. Bu texnologiya bəzi hesablara icazə vermək və ödənişləri təsdiqləmək üçün istifadə olunacaq. İstifadəçinin identifikasiyası qulaqcığa qoşulduqdan dərhal sonra baş verəcək. Bu texnologiya eyni ailənin üzvləri olan insanların cihazdan istifadəsini asanlaşdıracaq. Həmçinin, bu texnologiya müxtəlif hesablara avtorizasiya etməyə və ödənişləri sadələşdirməyə imkan verəcək.
Apple virtual reallıq eynəyinin hansı xüsusiyyətləri olacaq?
Şayiələr göstərir ki, qarşıdan gələn eynək VR (virtual reallıq) texnologiyasını dəstəkləyəcək və rəqib məhsullardan üstün olacaq xüsusiyyətlərə sahib olacaq. Hətta bəzi mənbələrə görə yeni cihazın həmçinin Meta’s Quest Pro modelindən daha təkmili olduğu deyilir. iPhone, iPad və Apple Watch cihazları Apple şirkətinə bazara çıxdıqdan sonra bir neçə il ərzində bu sahədə hakim olmağa imkan vermişdi. Çox güman ki, eyni şey virtual reallıq eynəyində də baş verəcək.
Göz bəbəyinin skan edilməsi üçün daxili kameralar istifadə olunur ki, bu da istifadəçinin baxışlarını izləmək üçün işə yarayır. Adını açıqlamayan mənbə bildirib ki, Apple eynəklərində 14 kamera olacaq. Müqayisə üçün qeyd edək ki, MetaPlatforms tərəfindən təqdim edilən Quest Pro adlanan ən müasir cihazlarda 10 kamera var. İstifadəçinin ayaq hərəkətlərini çəkmək üçün 2 kamera aşağıya yönəlir. Cihazın dizaynında parça, alüminium və şüşədən istifadə olunur və çölə baxan kameralar Oculus Pro ilə müqayisədə daha yaxşı gizlədilir.
Apple, Sony-nin düym başına 3000 piksələ qədər olduğu deyilən iki yüksək keyfiyyətli 4K mikro OLED ekranından istifadə edəcək. Virtual reallıq eynəyini taxan Apple istifadəçiləri xüsusi maqnitlərdən istifadə edərək xüsusi linzaları taxa biləcəklər. Eynəyin kənarında xaricə baxan və istifadəçinin üzünü göstərmək üçün nəzərdə tutulmuş ekran olacaq. Tərtibatçılar aşağı yeniləmə sürətinə malik ekrandan istifadə etməlidirlər ki, ümumi enerji sərfiyyatı çox olmasın. Apple eynəyin çəkisinin təxminən 200 qram olmasını istəyir. Bu da Meta-nın 722 qram çəkili Quest Pro modelindən xeyli yüngüldür. Apple rəsmiləri indiyə qədər qarşıdan gələn qarışıq reallıq qulaqlıqları ilə bağlı şərh verməkdən imtina edib. Ona görə də gələn il ictimaiyyətə təqdim olunacaq cihaz şayiələr və informasiya sızması əsasında gözləntilərdən xeyli fərqlənə bilər.
