Üç gün boyunca ən yaxşı mentorlar, investorlar, sahibkarlar, tərtibatçılar və sponsorlarla ünsiyyətdə innovativ texnologiyalar hesabına fintech və maliyyə texnologiyaları ekosistemində öz layihələrini ortaya qoymaq istəyənlərin dəvət edildiyi “Techstars Startup Weekend FInTech Baku” tədbirinə qeydiyyat rəsmi olaraq başlayır. Tədbirin ilkin mərhələsi 60 saniyə ərzində iştirakçıların problemlərə necə həll yolu gətirdiyi və hansı üstünlükləri özündə birləşdirdiyini göstərməsindən ibarətdir. Daha sonra İştirakçılardan ibarət komandalar arasından işlək bir startapın ortaya çıxarılması “Techstars Startup Weekend FInTech Baku” tədbirinin ən vacib hədəflərindən biri olacaq.
“Techstars Startup Weekend FInTech Baku” tədbirinin formatı
- Təqdimat mərhələsi
- Səsvermə mərhələsi
- Komandanın yaradılması
- Fikir mübadiləsinin aprılması
- MVP (minimal işlək məhsul) və ya prototip hazırlanması
Təqdimat mərhələsi bu tədbirdə 60 saniyə ərzində özünüz barədə detalları, hansı problemlərə hansı həll yollarını gətirdiyinizlə bağlı detalları, üstünlüklərinizlə bağlı məlumatları bölüşdüyünüz mərhələ olacaq. Təqdimatlar iştirakçıların bir-birini tanıması, fikir mübadiləsindən əvvəl özünüzə uyğun komanda yoldaşlarının ilkin olaraq formalaşması üçün vacibdir.
Təqdimatdan sonra iştirakçılara 45 dəqiqə vaxt verilir ki, bu vaxt ərzində netvörkinq həyata keçirərək sizi maraqlandıran fikirlər ilə tanış olursunuz. Bu mərhələ komanda yaratmaq üçün sizə kömək edəcək. Daha sonra isə yaranan komandalar ən yaxşı təqdimat, işlək məhsul və biznes, ümumilikdə startap ortaya qoymaq üçün 3 gün ərzində çalışacaqlar.
Artıq 15 ildir fəaliyyət göstərən “Startup Weekend” tədbiri, 5 ildən çoxdur ölkəmizdə də baş tutur. Lakin bu dəfəki tədbirin məzmununun məhz “FinTech” ekosistemi startapları ilə bağlı olduğunu qeydiyyatdan əvvəl nəzərə almaq lazımdır. İndiyə qədər 160-dan çox ölkədə baş tutmuş tədbirin detalları və qeydiyyatdan keçmək üçün aşağıdakı düyməyə toxuna bilərsiniz.
