Elon Musk, öz-özünü sürən Tesla Robotaksi layihəsi haqqında danışıb. Məşhur CEO bildirib ki, sükanı və pedalı olmayan bu taksilər hər milə görə (1 mil=1.6 km) avtobus biletlərindən daha ucuz başa gələcək. Həmçinin Robotaksilərin 2024-cü ildən başlayaraq kütləvi istehsala keçəcək.
TechSpot tərəfindən verilən məlumatlara görə Tesla-nın ikinci rüb qazanclarının açıqlandığı tədbirdə Musk bildirib ki, 2 il sonra Robotaksilər kütləvi istehsal ediləcək. O, həmçinin bunları qeyd edib: “Tesla RoboTaksi avtomobillərinin istehsalı və satışları şirkətinin daha çox böyüməsinə təkan verəcək”. Tesla-nın bu xidməti illərdir test mərhələsində olan Alphabet-a aid Waymo, GM-ə aid Cruise və Argo AI kimi digər şirkətlərin xidmətlərinə qarşı rəqabət içində olacaq. Elon Musk bildirib ki, 2023-cü ildə RoboTaksilər ilə bağlı daha çox məlumat paylaşacaq.
Tesla Robotaksi insanları həyəcanlandırıb.
Qeyd etmədən keçməyək. Tesla Robotaksi haqqında bir xeyli bəhs edən Elon Musk həmçinin son günlərdə Twitter-i tamamilə almaq istəməsinə görə gündəmdən düşmür. Musk-ın Twitter şirkətinin ən böyük hissədarı olması, məhkəməyə verilməsi və idarə heyyətinə qatılmağı rədd etməsi səbəbilə adından çoxca bəhs etdirir. Musk-a görə Twitter-də moderasiya daha az olmalıdır və insanların söz azadlığına qarışılmamalıdır. Qeyd edək ki, Elon Musk Twitter sosial şəbəkəsini ən aktiv şəkildə istifadə edən insanlardan biridir. Son illər ərzində Twitter rəhbərliyinin tətbiq etdiyi bəzi qadağalar məşhur iş adamını narahat etmiş görünür. Bundan başqa Twitter şəbəkəsinin siyasi məsələlərdə bəzi qadağalar tətbiq etməsi bəzi istifadəçilər tərəfindən tənqid olunur. Onlar da iddia edirlər ki, Twitter söz azadlığına daha çox önəm verməlidir. Bundan başqa Tesla Robotaksi layihəsi haqqında danışarkən Musk bildirib ki, şirkətinin bu kimi başqa layihələri də gələcəkdə mövcud olacaq.
Şirkətin sadəcə elektromobillər deyil, həmçinin nəqliyyat üçün innovativ həllər də təklif edəcəyini bildirib. Hal-hazırda şirkətin hissələri NASDAQ birjalarında 870$ qiymətindən dəyər görür. Tesla-nın ümumi dəyəri isə ötən il rekord həddə çataraq 1 milyard dolları ötüb keçmişdi. Bu da şirkəti dünyadanı ən dəyərli şirkətlərdən biri halına gətirmişdi. Ümumi sıralamada isə Tesla ən dəyərli 6-cı şirkət olaraq yerini tutur.
