Ötən həftə Rusiyanın paytaxtı Moskvada bəzilərinizin müharibə dövründən xatırlayacağınıza oxşar formada süni tıxac yaradılıb. Əgər mövzu barədə xəbərdar deyilsinizsə ən azından yəqin ki, Bolt və ya Uber tipli tətbiqlərdən istifadə etmisiniz. Həmin tətbiqlərdəki bəzi boşluqlar saxta nömrələr və ya hesablarla qeydiyyatın tamamlanmasına imkan yaradır. Nəticədə saxta hesablar vasitəsilə verilən “saxta” sifarişlər taksi sürücüsünə göndərilə bilir. Sürücü də sifarişi qəbul edib ünvana getdikdə heç bir müştərinin orda olmadığı ilə qarşılaşır. Əgər bu hücum metodu geniş miqyaslı formatda həyata keçirilsə nəinki sürücü, şəhərin nəqliyyatında da ciddi problemlər yaşana bilər. Belə ki, Anonymous qrupu Yandex taxi ilə 1 sentybarda Moskvada baş tutan kiberhücumu öz üzərinə götürüb.
Moskva nəqliyyatın sıx olması ilə tanınmış şəhərlər arasındadır. Anonymous qruplaşması isə Yandex Taxi tətbiqindən istifadə edərək onlarla sürücünü Moskvanın “Kutuzovsky” prospektinə toplamaq qərarı alıb. Onsuzda nəqliyyatın sıx olduğu prospektə taksilərin dayanmadan axın etməsi küçənin bir hissəsində nəqliyyatın 40 dəqiqəyə qədər dayanmasına səbəb olub.
Yandex tərəfindən verilən məlumata görə gələcəkdə bənzər halların yaşanmaması üçün alqoritmlərdə bu hücümdan sonra dəyişiklik edilib. Bundan sonra Yandex Taxi tətbiqinin alqoritmləri dayanmadan yaxın bölgələrə edilən ard-arda sifarişləri kiberhücum kimi qiymətləndirib sifarişləri ləğv edəcək. İndiyə qədər bu tip hallarla bağlı bir çox hallar yaşanıb. Lakin göründüyü qədərilə, Yandex Taxi platforması belə bir kiberhücum olacağını ehtimal etməyib.
Anonymous tərəfindən keçirilən kiberhücumların bu növü ilk dəfədir qeydə alınır. Kiberhücumun məhz bu qruplaşma tərəfindən həyata keçirildiyi isə Anonymous tviter hesabı vasitəsilə təsdiqlənib.
