ABŞ-da önəmli həkim nevroloq olan James Fallon illərlə psixopatlar və psixopatik cinayətkarları araşdırdıqdan sonra özünün də psixopat olduğunu kəşf edib. Belə ki, James Fallon 2005-ci ildə Kaliforniya Universiteti, İrvine Tibb Məktəbində əqli qabiliyyətin pisləşməsi ilə bağlı araşdırma aparırmış. Bu araşdırma da isə alzheimer, şizofreniya, psixopatiyadan əziyyət çəkənlərin beyin şəkilləri və sağlam insanların beyin görüntüləri olan fayl nümunələri üzərində tədqiqatlar aparılırdı. Hətta özünün və ailəsinin beyin görüntüləri də həmin sağlam insanlar olan fayl nümunələri arasında mövcud imiş. Lakin tədqiqat zamanı James Fallon sağlam beyin görüntülərinin arasında psixopatiya diaqnozuna uyğun gələn beyin görüntüləri ilə qarşılaşıb. Anonim faylların qarışıq düşdüyünü fikirləşən həkim laboratoriyaya gedib beyin görüntülərinin kimdən çəkildiyinə baxdıqda isə şoka düşüb.
Belə ki, psixopatiya diaqnozuna uyğun gələn test nümunəsinin elə özünə aid olduğunu görüb. Sağlam deyə özü və ailəsinin beyin görüntülərini çıxaran həkim, təsadüfən özünün psixopat olduğunu öyrənib. Fallon həmin vəziyyətdə nələr hiss etdiyini, nələr yaşadığını Sydney Morning Herald-a verdiyi yeni reportajında danışıb. Alim həkim nevroloq, həmçinin dilimizə “İçimdəki psixopat” olaraq tərcümə edilən “The Psychopath Inside” kitabının da müəllifidir.
“Heçkimə zərər vermək istəmədim”
Bildiyimiz kimi psixopatiya cəlbedici, manipulyasiya edən, emosional cəhətdən qəddar və potensial olaraq cinayətkar xarakterli şəxsiyyətlər üçün istifadə olunur. Fallonun beynində də təhlükəli psixopatın sahib olduğu bütün biomarkerləri var idi. Bununla belə, alim “Mən heçkimi incitmək istəmirdim” deyib. Gənclik illərində hər zaman riskə meylli olduğunu, avtomobil və motosiklet sürməyi sevdiyini ifadə edən Fallon, heç vaxt qanuna zidd hərəkət etmədiyini və bunu böyüdüyü mühitlə əlaqələndirdiyini bildirib.
“Mənim buna ehtiyacım yox idi, mənim qayğıma qalan, məni məşğul edən böyük bir İrlandiya-Sisili ailəsində gözəl uşaqlıq keçirmişəm” .
Ətrafındakı insanlar onun psixopat olduğundan şübhələniblər
Diaqnoz qoyulandan sonra alim ətrafında onu tanıyan insanlardan da onun psixopata bənzəyib bənzəmədiyini soruşub. Bundan sonra o, psixopatlara xas olan bəzi xüsusiyyətlərinin olduğunu və bunun ətrafındakılar tərəfindən də fərq edildiyini anlayıb.
Nevroloq Google üzərindəki testləri sınayıb
Psixopat olub olmadığını öyrənmək üçün həkim nevroloq James Fallon internetdəki psixopat testlərini də sınaqdan keçirib. Reportajında isə gülməli də olsa internetdəki testlərin güvənilməz olduğunu vurğulayıb.
Sınadığım ilk psixo-test 26 sualdan ibarət idi və məndən bəzi fikirləri qiymətləndirməyimi istəyirdi.
O, araşdırma adı aıtında yoxladığı 5 onlayn testin hər birində “cəsarət” balının ortalamanın biraz üstündə olduğunu bildirib. “Empatiya və peşmançılığın olmaması” ilə bağlı suallardan isə çox aşağı bal toplayıb. Yəni internetdəki bu testlərə aldanmayın deyə həkim öz sözlərinə davam edib. Həmçinin o bildirib ki, psixopat diaqnozunun qoyulması üçün Google testlərinə yox psixiatra ehtiyacınız var.
Bəs siz həkim nevroloq James Fallon kimi psixopat olub-olmadığınızı təxmin edən testləri sınaqdan keçirmisiz? Mövzu ilə bağlı fikirlərinizi şərhlərdə bizimlə bölüşə bilərsiniz.
