AIRS Medical startapının əsas məqsədi həm xəstələr, həm də tibb işçiləri üçün səhiyyə xidmətinin təkmilləşdirilməsidir. Belə ki, əsası Cənubi Koreyada qoyulan startap xəstələrə magnetik rezonans görüntüləmə kimi tanınan MR vasitəsilə diaqnoz qoyula biləcəyini iddia edir.
Əsası 2018-ci ildə qoyulan startap diaqnostik testlər və robot texnologiyaları vasitəsilə xəstələrə diaqnoz verə bilir. Belə ki, AIRS Medical tərəfindən hazırlanan MRT rekonstruksiya proqramı keçən ildən bəri 130 min təsviri təhlil edib. Şirkət bu ilin mart ayında Cənubi Koreyanın digər süni intellekt startapı olan artiQ şirkətini satın alıb. Şirkət gələcəkdə ABŞ, Avropa, Cənub-Şərqi Asiya və Latın Amerikasına genişlənməyi hədəfləyir.
AIRS Medical gələcəkdə hansı yenilikləri yarada bilər?
2027-ci ilə qədər süni intellekt sənayesinin dünya üzrə 67 milyard dollara çatacağı gözlənilir. Buna səbəb, investorların süni intellekt sahəsinə marağının çox olmasıdır. Bu ay süni intellektə əsaslanan Biofourmis startapı 20 milyon dollarlıq investisiya aldığını açıqladı. Yeni investisiya ilə Sinqapurda yerləşən şirkətin ümumi investisiya məbləği 460 milyon dolları keçib. Biofourmis startapının əsas ideyası, xəstələri məkandan və zamandan asılı olmayaraq izləyə bilməkdir. AIRS Medical startapının 20 milyon dollarlıq investisiyasında Q Capital Partners, Hanwha Life və onun hazırkı investoru Klim Ventures 2 iştirak edib.
Bu ilin iyul ayında süni intellektlə işləyən tibbi sənədləşdirmə startapı Abridge 12,5 milyon dollar investisiya aldı. Tura Union Square Ventures, Bessemer Venture Partners, Whistler Capital, Pillar Venture Capital və UPMC Enterprises bu investisiyanın iştirakçıları idi. ABŞ-da yerləşən şirkətin ümumi investisiya məbləği 27 milyon dollara çatıb. Səhiyyə sahəsində süni intellektə əsaslanan startapların sayı gün keçdikcə artır. Gələcəkdə səhiyyə sahəsində süni intellekt sayəsində çox daha fərqli müalicə üsulları yaranacaq.
