ADB driver “Android Debug Bridge” sözlərinin qısaltması olub dilimizdə “Android Sazlama Körpüsü” kimi tərcümə edilə bilər. Cihazlara əmrlərin verilməsi, müxtəlif komandaların icra edilməsi üçün və.s istifadə edilir. İşlədilməsi və yüklənməsi xeyli sadə olan “ADB Shell” kompüterə yüklənərək, smartfonunuzdan açdığınız “USB sazlama” icazəsindən sonra, “USB” kabeli vasitəsilə cihaz üzərində komandaların idarəsinə imkan yaradır. 0
- Link üzərindən, “ADB driver”-in ən son versiyasını seçib yükləyin. Yüklədiyiniz “zip” faylından, aşağıdakı şəkildə də əyani olaraq göstərdiyimiz “exe” faylını quraşdırmaq üçün klikləyin.
- Quraşdırmaq üçün kliklədikdə mavi bir pəncərə açılacaq.
- Qorxmağa ehtiyac yoxdur, sadəcə bu tətbiqin ADB Driver quraşdırma ekranı bu cürdür. 3 dəfə ard-arda “Y” hərfi və “enter” düymələrinə basacaqsınız. Yəni, “Y+Enter Y+Enter Y+Enter (üstəgəl yoxdur)” basmalısınız. Bir növ verilən suallara “yes” cavabı verib, “enter” ilə təsdiqləyirsiniz.
- Normal quraşdırma ekranı gəldikdə isə, bildiyiniz “Next” və “İnstall” düymələri ilə quraşdırma tamamlanacaq.
“ADB Shell” drayveriniz artıq hazırdır. “USB” sazlaması açıq cihazınızı “USB” kabeli ilə komputerə bağlayaraq, normal “CMD” üzərində “adb shell” yazaraq komandalardan istifadə edə bilərsiniz.
ADB Shell və ya ADB Driver nədir?
Necə yükləyəcəyimizdən bəhs etdik. Bəs ADB konkret nə üçün istifadə edilir? Bu driver daha çox tərtibatçılar üçündür. Tərtibatçılara Android əməliyyat sistemində əmrlər verməyə imkan yaradır. Lakin son illərdə istifadəçilər tərəfindən smartfonlara modifikasiya edilmiş əməliyyat sistemləri yazmaq üçün istifadə edilir. Əgər, Xiaomi istifadə edirsinizsə, çox güman bu haqda bir xeyli yazı ilə rast gəlmisiniz. ADB driver ilə smartfon istifadəçiləri öz smartfonlarına Custom ROM-lar yaza bilər, həmçinin smartfonu bərpa rejimində istifadə edə bilərlər. Bundan başqa ADB üsulu ilə smartfonlara tətbiqlər də yükləmək mümkündür. Bütün bu xüsusiyyətlər Android əməliyyat sisteminin istifadəçilərə yaratdığı imkanlardan qaynaqlanır.
