Sözlər vasitəsilə yüksək keyfiyyətli şəkillərin yaradılması keçən il məşhurlaşmağa başladı. Midjourney süni intellektin köməyi ilə sözlərlə rəsmlər, şəkillər yarada biləcəyiniz platformdur. Belə ki, keçdiyimiz günlərdə beta versiyası hər kəsə açıq elan edilən bu proqrama siz açar sözlər daxil edirsiniz və Midjourney süni intellekti təsəvvürünüzdə canlandırdığınız görüntünü hazırlamağa çalışır. Bu halı ilə OpenAI şirkətinin DALL-E 2 layihəsinə çox bənzəyir.
Hər ikisi nəhəng datalar-şəkillər üzərində məşq etdirilmiş böyük süni intellekt modelləridir. Ancaq özünüzün də müşahidə edə biləcəyiniz kimi Midjourney-in özünəməxsus tərzi var. Həmçinin DALL-E 2 də bir müddətdir ki, təhlükəsizlik səbəbiylə cəmiyyətə açıq deyildi. Artıq o da yavaş-yavaş istifadəçi sayını genişləndirir.
“Həqiqətən dəyər verdiyim bir şey üzərində çalışmaq istəyirdim”
Tətbiqi riyaziyyat üzərinə elmi dərəcə alan layihə rəhbəri Holz NASA Langley araşdırma mərkəzində LiDAR, Mars missiyaları və atmosfer elmi üzrə çalışır.
Holz açıqlayır:
”Mən niyə bütün bunlar üzərində çalışıram?- deyə özümü sorğulayırdım. “Sadəcə həqiqətən dəyər verdiyim həyəcanverici bir şey üzərinə çalışmaq istəyirdim ”
Holz-un sözlərinə görə Midjourney hal-hazırda çox kiçikdir. Təxminən 10 nəfər ilə işləyən komandanın bu sahədə heç bir investoru yoxdur. Onları maliyyə maraqlandırmır. Onları hal-hazırda həqiqətən sevdikləri və əyləndikləri işi görmək düşündürür. Həmçinin çoxlu başqa layihələr üzərində də çalışırlar.
Midjourney-dən necə istifadə edək?
Midjourney süni intellekti hal-hazırda Discord kanalı üzərindən işləyir. Yaradılan görüntülər isə həddindən artıq mükəmməl alınır. Ən əsas şey, güclü bir xəyal etmə bacarığına sahib olmaqdır. Çünki, sözlərinizi doğru ifadə etməlisiniz. İstifadəçilər midjourney.com səhifəsində öz discord hesabları ilə qeydiyyatdan keçə bilərlər. Daha sonra ilk mavi ekrana qayıdıb “Join Beta” düyməsinə klikləyərək platformanın Discord serverinə qoşulmalısınız. Buradakı “newbie” otaqlarında hər kəsə açıq bir şəkildə komandalar köməyi ilə asanlıqla servisdən istifadə etmək mümkündür.
Siz sözləri daxil etdikdən sonra görüntü 1 dəq ərzində ortaya çıxır. Belə ki, bot sizin üçün 4 fərqli şəkil ortaya çıxarır və siz bu 4 şəklidən seçdiklərinizin yeni versiyalarını yaratmasını yaxud keyfiyyətini yüksəltməsini istəyə bilərsiz. Ancaq pulsuz şəkildə istifadə limitlidir. Belə ki, siz limitli sayda bota (15) komanda göndərmək mümkündür. Bu səbəblə istifadə etmədən öncə digər şəxslərin mesajlarından daha yaxşı görüntülər əldə etmək üçün hansı açar sözlərdən istifadə etdiklərinə baxmaq lazımdır.
Bu tərz platformlarda narahatlıq doğuran ilk məsələlərdən biri də saxta, şiddət yaxud uyğunsuz şəkillərin yaradılmasıdır. Bu məsələ Midjourney üçün də keçərlidir. Bunun fərqində olan Holz uyğunsuz məzmunların qarşısını aldıqlarını bildirir. Bu səbəblə Midjourney platformasında məzmunların idarəsi üçün müxtəlif limitləmə tədbirləri var.
Midjourney-dən insanlar necə istifadə edir?
Bəs insanlar bu platformada tam maraqlı işlər ortaya çıxarırlar. Qeydiyyatdan keçmisinizsə “Community Feed” vasitəsilə digər insanların nələr yaratdığını görə bilərsiz.
Holtz-un sözlərinə görə istifadəçilərin yalnız 30 faizi peşəkar olaraq platformadan istifadə edir.
Holz
“Böyük çoxluq sadəcə əylənir. Və bu çox böyük bir şeydir, çünki bu əslində incəsənətlə bağlı deyil, bu təxəyüllə bağlıdır”.
Bir çox qrafik rəssam Midjourney-i konsept yaratmaq üçün istifadə edir. Onlar ideyalarının bir neçə versiyasını yaradır və bunu müştərilərinə təqdim edərək necə bir istiqamətdə irəliləməli olduqlarını görürlər. The Economist-in iyun ayı üçün olan dərcində qapaq şəklində Midjourney tərəfindən yaradılmış illüstrasiyanın istifadə edildiyini vurğulayaraq, onun bu tərz ticari məqsədlərlə istifadəsinə də platformanın açıq olduğunu deyirlər. Süni intellekt vasitəsilə yaradılmış əsərlərin müəlliflik hüquqları hələ ki qanunda öz əksini tam tapmır.
