Keçən il Kristen Stewart-ın Lady Diana olaraq qarşımıza çıxdığı “Spencer” filmi böyük səs-səda gətirmişdi. Oskar mükafatına namizəd olan Steven Knight tərəfindən yazılmış “Spencer” filmi 1990-cı illərin əvvəllərində Diananın Şahzadə Çarlz ilə evliliyinin artıq irəliləməyəcəyinə qərar verdiyi həftəsonuna diqqət çəkir.
Milad bayramını qeyd etmək üçün Norfolkdakı sarayda bu kritik həftəsonundan sonra Diana bir gün özünü kraliça edə biləcəyi yoldan uzaqlaşmağa qərar verir. Filmin heyətində Stewart ilə yanaşı Timothy Spall, Sally Hawkins ve Sean Harris kimi məşhur aktyorlar da yer alır. Şahzadə Charles-i isə, Poldar serialından tanıdığımız Jack Farthing canlandırır. Spencer filmi üzərindən gedərək daha əvvəl Lady Diana ilə bağlı çəkilmiş 7 fərqli işi sizə təqdim edirik.
1 – Diana: The Rose Conspiracy (2005)
Martin Sastre-nin 2005-ci ildə çəkdiyi qısametrajlı film tamaşaçılara sürreal bir hekayə təqdim edir. Filmdə Lady Diana-nın əslində ölmədiyi və Uruqvayın Montevideo şəhərinin kənarında gizli həyat sürdüyü öyrənilən bir gün bizlərə göstərilir. Premyeradan sonra film Diana-nın Uruqvayda yaşadığına dair yalan xəbər və teoriyalara səbəb oldu.
2 – Diana: The Musical (2021)
Joe DiPietro ve David Bryan tərəfindən yazılan “Diana: The Musical” pandemiya səbəbilə Broadway sezonunu sürətli formada dayandırmaq məcburiyyətində qalmışdı. 2021-ci ilin əvvəllərində isə, bu musiqili tamaşa film versiyasında Netflix-də izləyicilərə təqdim olundu. Bundan əlavə, musiqili tamaşa Diana-nın emosional dünyasını əks etdirmədiyi və səthi olduğu üçün tənqid edilib.
3 – Diana (2013)
Oliver Hirschbiegel imzalı, başrolunda Naomi Watts-ı izlədiyimiz 2013 istehsalı Diana filmi Lady Di və onun Dodi Fayeddən əvvəlki Pakistanlı sevgilisi ürək cərrahı Hasnat Khan ilə olan münasibətinə fokuslanır. Kimilərinə görə Dr.Hasnat Khan, Lady Diananın həyatının eşqi idi və iki il davam edən bu münasibətdən sonra o, dərin eşq iztirabları çəkməyə başladı.
4 – King Charles III (2017)
Mike Bartlett-in eyni adlı pyesi əsasında ərsəyə gətirilən “Kral Charles III”, Kraliça II. Elizabethin ölümündən sonra baş verir və Tim Pigott-Smith tərəfindən canlandırılan Charlesın anasının ölümündən sonra krallığıa keçid dövründən bəhs edir. Həmçinin filmdə biz Katie Braybeni Diananın ruhu kimi görürük.
5 – The Story of Lady Diana (2017)
Netflix tərəfindən hazırlanan sənədli film Şahzadə Diananın hekayəsinə fərqli bir baxış təqdim edir. Rebecca Gitlitz-in rejissoru olduğu “The Story of Diana”-da arxiv görüntüləri və Lady Diana-nı şəxsən tanıyan insanlarla müsahibələr yer alır.
6 – Diana: 7 Days That Shook the Windsors (2017)
Rejissoru Henry Singer olan sənədli film Uels şahzadəsi Diananın ölümündən yeddi gün sonraya nəzər salır. Müsahibələri vasitəsilə o, Lady Di-nin ölümünün dünya miqyasında təsirinə nəzər salır. Sənədli filmdə Şahzadə Uilyam və Şahzadə Harrini də görmək mümkündür.
7 – The Crown (2020)
Kraliça Elizabethin taxtda oturduğu illərə və Britaniya monarxiyasını yaşatmaq üçün etdiklərinə diqqət çəkən Netflix-in məşhur The Crown serialının 4-cü mövsümündə Ledi Diananı gənc qız kimi görürük. Serial Emma Corri-nin canlandırdığı Diana-nın daxili dünyasına güzgü tutaraq mübarizəsini ortaya qoyur.
