Çin markası Haval yeni kompakt avtomobili Cool Dog modelini təqdim etdi. Great Wall Motors şirkətinin markalarından olan Haval şirkətinin yeni SUV modeli kəskin xətləri ilə diqqət çəkir.
Haval Big Dog altında yerləşdiriləcək yeni Cool Dog-un uzunluğu 4520 mm, eni 1875 mm, hündürlüyü 1745 mm və təkər bazası 2710 mm olduğu açıqlanıb. Bu ölçülərlə Big Dog modelindən 100 mm qısa olduğunu söyləmək mümkündür. Bununla belə, dizayn cəhətdən xeyli oxşar izləri daşıyan Ford Bronco Sport-dan 133 mm uzundur.
Haval Cool Dog-un ön hissəsində radiator barmaqlığı ilə bütöv görünən dəyirmi LED faralar diqqəti cəlb edir. Yan profildən baxıldığında, digər Haval modellərinə nisbətən daha kəskin xətlərə sahib olduğu müşahidə edilir. Modeldə onsuz da dar olan görünən qanadlar (krılo) və güzgülər, C sütununa doğru getdikcə daha da daralır. Avtomobilin arxa hissəsində, bamper və yan ətəklərində çoxlu qara plastik hissələr işlədilib. Elə arxa tərəfdə yerə doğru baxan şaquli əyləc, duman işıqları və ehtiyat təkər qapağına bənzəyən çıxıntı var.
İnteryerin vizual görüntülərinə baxdıqda Haval Cool Dog rəqəmsal alətlər paneli, 12.3 düymlük sensor ekranlı məlumat-əyləncə ekranı, Land Rover üslublu sükan, 64 rəngli işıqlandırma və 18 dinamikli JVC səs sisteminə malikdir. Həmçinin üst modifikasiyalarda karbon üslubu və parlaq qara detallar, eyni zamanda oturacaqların ikirəngli dəri üzlükləri var.
Kapotun altında 1,5 litrlik dörd silindrli turbo benzin mühərriki istifadə olunur. 182 at qüvvəsi və 275 Nm fırlanma anı hasil edən bu mühərrik 7 pilləli DCT sürətlər qutusuna sahibdir. Ön və ya tam ötürücü seçimi isə müştərilərin ixtiyarına verilir.
Haval Cool Dog bu ilin üçüncü rübündə Çində satışa çıxarılacaq. Qiyməti modifikasiyadan asılı olaraq 120.000 ilə 150.000 Yuan (30,155 – 37,693 AZN) arasında dəyişəcəyi bildirilir. Siz bu haqqda nə fikirləşirsiniz? Düşüncələrinizi bizimlə paylaşmağı unutmayın.
