Google Play Store 6 ildən sonra loqosunda bəzi dəyişikliklər edir. Bu dəyişiklər yaxın zamanda Android telefonlarda öz yerini alacaq.
Google Play loqosunu sonuncu dəfə 2016-cı ildə dəyişdirmişdi. Son 6 ildə loqosunda heç bir dəyişiklik etməyən Play Store artıq dəyişiklik etməyin vaxtının gəldiyini bildirib. Yeni loqotipdə üçbucaq forması və ümumi mövzu qorunsa da, bəzi dəyişikliklər gözə çarpır.
Google Play yeni loqo ilə gəlir!
Play Store loqosu üçbucaq formasını davam etdirsə də, köhnə loqo ilə müqayisədə künclərin yuvarlaqlaşdırıldığını söyləyə bilərik. Loqodakı dörd rəng Google-ni simvolizə edən rənglərə daha yaxındır.
Bundan əlavə, köhnə loqoda daha böyük olan mavi üçbucaq bölməsi yeni versiyada bir qədər kiçikdir. Beləliklə, mavi hissənin ölçüsü digər rənglərə yaxınlaşır. Lakin bu mərhələdə yeni loqonun yalnız kiçik ölçülü şəkilləri var.
Yeni loqo nə zaman istifadəyə veriləcək?
Play Store-də hesaba pul əlavə etdiyimiz zaman yeni loqo Google Pay-də görünür. Yeni loqonun yaxın vaxtlarda istifadəyə veriləcəyi deyilir. Tətbiqin digər hissələrində köhnə loqo dəyişdirliməyib. Buna görə də şirkət hələ rəsmi olaraq yeni Play Store loqosunu anons etməyib. Google həmçinin yeni loqo ilə Play Store-da yeni dövrü simvollaşdırmaq istəyir.
Daha öncə açığlama verən Play Store tərtibatçıları kitablar, filmlər, TV kimi bölmələri silib və ancaq android proqramlarına fokuslanacağını bildirmişdi. Görək Google yeni loqonu tam olaraq nə vaxt bizə təqdim edəcək?
Play Store-nin yeni loqosu haqqında nə düşünürsünüz? Fikirlərinizi aşağıdakı şərh bölməsində bizimlə bölüşə bilərsiniz.
