2022 FIFA Dünya Çempionatında oyun zamanı süni intellekt isitfadə olunacaq. Bunu FIFA prezidenti Canni İnfantino bildirib. Qeyd olunub ki, futbol meydançasında obyektlərin hərəkətinə nəzarət etmək üçün innovativ texnologiyalardan istifadə olunacaq.
Bu texnologiyanın əsas işi, ofsayd ilə bağlı yaranmış mübahisəli və ya yanlış vəziyyətləri təsbit etməkdir. Süni intellekt ilə çalışan yeni sistemin prototipi Video Assistant Referee oldu. Bu texnologiya 2018-ci ildə Rusiya da keçirilən FIFA dünya çempionatında tətbiq edilmişdi. İndi isə daha təkmilləşdirilmiş şəkildə FIFA 2022 keçirildikdə istifadə edilməlidir.
Ofsayd ilə yaranan çətinliklər
Ofsayd anlayışı onilliklər ərzində futbolda ən mübahisəli məsələlərdən biri olub. FİFA qaydalarına edilən son dəyişikliklərində qeyd olunur: Əgər oyunçu qadağan olunmuş vəziyyətdədirsə, amma aktiv şəkildə hərəkət etmirsə, o zaman bu ofsayd sayılmır. Bəs oyunçunun hərəkətlərini necə anlamaq olar? Əsasənda əgər o, hakimləri bilərəkdən aldadmağı düşünürsə? Məhz bu səbəbdən bu yeni texnologiya hazırlanıb və 2022 FIFA dünya çempionatında istifadə olunacaq.
2022 FIFA Dünya Çempionatında tədbiq olunacaq texnologiya
Tətbiq ediləcək yeni sistem ümumilikdə 12 kameradan ibarət olacaq. Hansı ki, stadionun dam örtüyü altında quraşdırılacaq. Bu kameralar saniyədə 50 kadr sürəti ilə məlumatları qəbul edəcək və proses süni intellekt ilə idarə olunacaq. FIFA 2022 dünya çempionatında süni intellekt hər bir futbolçunun bədənində, onun hərəkətlərini tanımaq üçün, 29-a qədər nöqtəni izləyəcək. Futbolçuların oynadığı topun daxilində də sensor quraşdırılıb. Bunun hesabına topdan da məlumatlar saniyədə 500 dəfə ötürülür.
Bütün toplanılan məlumatlar mərkəzə yönləndirilir. Süni intellekt onun analizini aparır və futbol meydançasında olan hakimə ofsayd haqqında məlumatları ötürür. Bu səbəbdən sistem yarı avtomatlaşdırılmışdır – texnologiya qayda pozuntusunu tapır, lakin qərarı oyun zamanı hakim verir.
Əlavə olaraq 2022 FIFA dünya çempionatında istifadə olunacaq yeni sistem 3D-videolar yaradır. Burda qayda pozuntusu hər tərəfli nümayiş edilir. Bu videonu tamaşaçılar stadionda olan monitorlardan da görə biləcək. Bu oyuna daha çox maraq qatmalıdır və mübahisəli anları aradan qaldırmağa yardım etməlidir. Qeyd olunur ki, bu texnologiya 3 illik tədqiqat və sınaqların nəticəsidir.
