İngilis Youtuber, Almaniyada yeni Gigafactory Berlin-Brandenburqda istehsal olunan, digəri isə Şanxaydakı Tesla istehsalat müəssisəsində montaj xəttindən çıxan iki Tesla Model Y modelləri arasındakı fərqləri araşdırıb. Nəticədə avtomobilin Almaniya istehsalı versiyasının Çindən daha yaxşı olduğunu bildirib.
Almaniya istehsalı olan Tesla daha keyfiyyətlidir
Belə ki, təcrübəni həyata keçirən YouTuber RSymons RSEV-in Çin istehsalı olan Tesla Model Y Long Range modeli var. Bu yaxınlarda yayımlanmış videoda Almaniya istehsalı olan Tesla model Y ilə Çin istehsalının fərqləri göstərilib və eyni avtomobil arasında fərqlər ortaya qoyulub. Onun sözlərinə görə, Alman istehsalı elektromobil geniş 21 düymlük təkər disklərinə baxmayaraq daha rahat sürüş təmin edir. Bundan əlavə, Tesla Model Y modelindəki parlaq ağ rəngin keyfiyyəti Çin istehsalından daha yaxşı görünür.
Fərqlər iddia edilənə görə bununla bitmir. Alman istehsalı olan Tesla Model Y-nin interyeri bir qədər yaxşı materiallara sahibdir. Hətta qeyd edilənlərə görə Amerika nəhəngi şirkətin Almaniyada istehsal olunan modelində səs ucaldanlar daha təkmilidir. Bunun qarşılığında Çin istehsalı variantında istehsalçı müəssisə nisbətən fərqli səs gücləndiricidən istifadə edir.
Üstəlik Tesla Model Y-nin eyni ön oturacaqları Almaniya istehsalında daha yaxşı yan dəstəklər təmin edirmiş, amma Çin istehsalında bu hissiyat nisbətən aşağıdır. Baqaj bölməsindəki yeni bölmə rəfi isə Almaniya istehsalı olan elektrikli yolsuzluq avtomobilindəki ən bariz dəyişiklikdir. Böyük bir ehtimalla bu yeniləmə Çin istehsalatına göndərilmədiyi belə fərq yaranıb. Ona görə digərləri qədər ciddi problem deyil. Ən maraqlı fərqlilik isə yeni asqı sistemi və amortizatorlardan qaynaqlanıb ki, Almaniyada istehsal olunan Model Y Çindəkindən daha rahatdır.
Son olaraq qeyd etmək lazımdır ki, Tesla tədricən təkmilləşdirmələrin çoxunu yaxın gələcəkdə Çindəki Model Y modelinə də gətirə bilər. Keçmişdə elektrik avtomobil istehsalçısı bu cür təkmilləşdirmələri dünyanın müxtəlif istehsalat müəssisələrində tədricən tətbiq edib. Bununla belə, Almaniya istehsalı olan Tesla Model Y yerinə Çində istehsal elektromobili alanların belə bir vəziyyətlə qarşılaşması böyük bir neqativ hal kimi qiymətləndirilir.
Siz bu problemlə bağlı nə düşünürsünüz? Fikirlərinizi aşağıdakı şərh bölməsində bizimlə bölüşə bilərsiniz.
