WhatsApp tətbiqinə çox da etibar edilməməsinə baxmayaraq, dünyanın ən məşhur mesajlaşma proqramı olaraq istifadə olunmağa davam edir. Bir çox proqramda olduğu kimi, WhatsApp üçün də istifadəçi təcrübəsini bir addım irəli aparan WhatsApp Plus adlı proqram mövcuddur. WP Plus əlbəttə ki, rəsmi proqram deyil, amma istifadəçilər bu tətbiqi işlətməyi xeyli sevirlər.
![WhatsApp Plus tehlükesizdirmi](https://tedroid.com/media/2022/07/JVEXBIA2ZVACFHAZSPJVA6HNYE-1024x768.jpg)
Alexmods tərəfindən hazırlanmış WP Plus tətbiqi rəsmi WhatsApp tətbiqində olmayan funksiyaları təqdim edərək istifadəçilərinə fərqli WhatsApp təcrübəsi yaşadır. WP Plus rəsmi mobil tətbiq olmadığı üçün onu onlayn mağazalarda tapa bilməzsiniz. Ona görə də yalnız APK olaraq yükləməli və əl ilə quraşdırmalısınız. WP Plus əslində bildiyimiz WhatsApp tətbiqinin üçüncü tərəf şəxslər tərəfindən hazırlanmış qeyr-rəsmi modifikasiyasıdır.
Ancaq rəsmi tətbiqetmədə olmayan bir çox fərqli xüsusiyyəti təklif edir. WP Plus fərdiləşdirilə bilən mövzusu, interfeysi və fərqli məxfilik xüsusiyyətləri ilə seçilir. Başqa sözlə, rəsmi tətbiqdən sıxılan və maraqlı şeylər axtaran istifadəçilər WhatsApp Plus ilə fərqli təcrübə sınaqdan keçirirlər. Qəribədir ki, WhatsApp Plus tipli proqramlar bəzən rəsmi proqramdan daha tez-tez yeniləmələr ala bilir və hər yeniləmə ilə bir çox yeni funksiyalar gətirir. Bu da insanları bu tip tətbiqləri işlətməyə həvəsləndirir.
- WhatsApp-ın xüsusiyyətləri;
- Rəsmi proqram olduğu üçün etibarlıdır.
- Proqram mağazalarında olduğu üçün quraşdırmaq asandır.
- Bu, məlum olan ən təhlükəsiz mesajlaşma proqramlarından biridir.
- Bu, fərdiləşdirilə bilən mövzular və interfeys təklif etmir.
- Birdən çox hesabı dəstəkləmir.
- Mesajın silinmə vaxtı və funksiyaları məhduddur.
- WhatsApp Plus-un sevilən xüsusiyyətləri;
- Demək olar ki, istədiyiniz hər şeyi fərdiləşdirə bilərsiniz.
- Siz səsli zəngləri söndürə bilərsiniz.
- Profil şəklinizi gizlədə bilərsiniz.
- 4-ə qədər hesab üçün çox hesab dəstəyi təmin edir.
- Rəsmi proqram olmadığı üçün təhlükəlidir.
- Bundan istifadə etdiyiniz üçün WhatsApp tərəfindən qadağan oluna bilərsiniz.
- Onu APK kimi əldə etməli olduğunuz üçün quraşdırmaq çətindir.
- 4000-dən çox fərdiləşdirilə bilən mövzular
- Özəlləşdiriləbilən interfeys
- Fərqli şriftlər
- Rəsmi proqramda olmayan emojilər
- Onlayn olduğunuzu gizlətmək
- Proqramın naxış və barmaq izi ilə kilidlənməsi
- Yazır bildirişinin gizlədilməsi
- Köhnə mesajların silinməsi
- Tətbiqə xüsusi internetin bağlanması
- Yadda saxlanmamış nömrəyə mesaj göndərmək
- Asan parametrlər menyusu
Tətbiq mağazalarında belə olmayan mobil proqram olduğu üçün onun təhlükəsiz olduğunu söyləmək mümkün deyil. Həqiqi WhatsApp tətbiqində təhlükəsizliyin təmin edilməsi ilə bağlı bu qədər şübhə varsa, heç bir təhlükəsizlik və məxfiliyə zəmanət verməyən WhatsApp Plus-a necə etibar etmək olar?
Təbii ki, heç cür. Üçüncü tərəf tətbiqi hazırlayan şəxs qoyduğu “arxa qapı” ilə istədiyi zaman məlumatlarınıza çıxış əldə edə bilər. Elə APK olaraq yüklədiyiniz tətbiqi cihaza quraşdırdıqdan sonra problem başlayır. Hətta ilk yükləmə zamanı belə siz risk altındasınız, çünki rəsmi və etibarlı APK yükləmə mənbəsi demək olar mövcud deyil. Yükləmək istədiyiniz faylla hansı virusların və ya zərərli proqramların gələcəyini heç vaxt bilmirsiniz.
Digər şübhəli məqam, üçüncü tərəf tətbiqin şəxsi məlumatlarınızın oğurlanması üçün alətə çevrilməsidir. WhatsApp Plus tətbiqi ilə rahatlıqla kameranıza, mikrofonunuza, kontaktlarınıza, şəkillərinizə yola açılır. Pis niyyətli şəxslər mesajlarınıza belə yol taparaq 2FA kimi təhlükəsizlik divarlarını keçə bilər. Çünki, redaktə edilmiş tətbiq şifrələməyə, təhlükəsizliyə zəmanət vermir.
Həmçinin xüsusən bu tip kütləvi yayılan üçüncü tərəf tətbiqlər smartfonlarınızı “bot“-a belə çevirə bilər. Hansı ki, tətbiqin özü ilə birlikdə gətirdiyi əlavələr arxa planda daim aktiv qalaraq smartfonun müəyyən məqsədlər üçün bot kimi istifadə edilməsinə (müxtəlif platformalarda baxış sayını və.s artırmaq üçün sui-istifadə) şərait yaradır. Nəticədə performans itkisi və ya anormal enerji sərfiyyatı baş verir. Beləliklə, WhatsApp Plus-ın təhlükəsiz olub-olmaması sualının konkret cavabı YOX olacaq. Əgər hələ də risk etmək istəyirsinizsə istifadə edə bilərsiniz.
Xüsusilə vurğulamaq istərdik ki, özünüz işlətməsəniz belə qarşınızdakı adamın işlətdiyindən əmin olmadığınız üçün şəxsi məlumatlarınızı WhatsApp ilə də paylaşmamağa çalışın. Məsələn, paylaşdığınız bank kartı kimi vacib detallar qarşınızdakı zərərli tətbiqi işlədən adam vasitəsilə üçüncü tərəf şəxslərə yem ola bilər.
Bəs siz WP Plus istifadə edirsinizmi? Ümid edirik bu məqalədən sonra artıq istifadə etməyəcəksiniz. Fikirlərinizi bizimlə bölüşməyi unutmayın!