Snapchat, Snapchat Plus adlı ödənişli abunənin daxili sınaqlarını həyata keçirib. İndi komanda ödənişli abunəlik xidməti olan Snapchat Plus-u təqdim edib.
Cəmi bir neçə həftə əvvəl proqram daxilində Snap Plus adlı ödənişli abunəlik gözlərə dəyirdi. Tez bir zamanda “erkən daxili sınaq” adlandırılan yenilik indi isə ödənişli abunəlik xidməti şəklində istifadəçilərə təqdim edilib.
Snapchat Plus tətbiqin yeni ödənişli abunə xidməti aylıq hazırda 3,99 ABŞ dolları səviyyəsində müəyyən edilib. Abunəlik Snapchat istifadəçilərinə digər istifadəçilərlə müqayisədə yeni funksiyaları, həmçinin Snapchat istifadəçiləri üçün xüsusi yeni funksiyaları sınamaq şansı verir. Lakin qeyd etmək lazımdır ki, digər abunə xidmətləri kimi, Snap Plus abunəsi Snapchat-dakı reklamları silməyəcək.
Snap Plus, şirkətin reklamdan kənar pul qazanmaq üçün ilk cəhdidir. Amma Snapchat rəsmisi Jacob Andreou-nun dediyinə görə onlar bunun əsas qazanc mənbəyi olacağını gözləmirlər. Bunun əvəzinə, Snap Plus “vaxtının çoxunu Snap-da yaxın dostları ilə ünsiyyətdə keçirən insanları” hədəfləyir .
Hələlik Snap Plus tətbiqdə mövcud olan nisbətən kiçik təkmilləşdirmə olaraq qalacaq. Abunəçilər ilkin olaraq əsas ekranda tətbiqin simvolunu dəyişdirmək imkanı kimi kosmetik cəhətdən funksiyalara sahib olacaqlar. Snap Plus-ın digər xüsusiyyətlərinə hekayənizə kimin dəfələrlə baxdığını görmək və dostunuzu “BFF” (yaxın dostlar funskiyası) olaraq siyahınızın başına yerləşdirmək imkanı daxil olacaq.
Qeyd edildiyi kimi, Snap Plus bu həftə istifadəçilərə təqdim olunmağa başlayır. Lakin yalnız müəyyən bazarlarda mövcud olacaq. Xüsusilə , Snapchat-ın ən çox yayıldığı bazarların hədəf alınacağı gözlənilir.
Siyahıya ABŞ, Kanada, Böyük Britaniya, Fransa, Almaniya, Avstraliya, Yeni Zelandiya, Səudiyyə Ərəbistanı və Birləşmiş Ərəb Əmirlikləri daxildir. Snapchat abunəliyi zamanla daha çox ölkədə işə salacaq. Bəs sizin bu haqqda fikirləriniz nədir? Snap Plus Azərbaycana gəlsə istifadə edərdinizmi? Fikirlərinizi bizimlə bölüşməyi unutmayın.
