Bir neçə ay əvvəl Bulgari dünyanın ən nazik saatı üçün yeni rekordu izləyicilərə təqdim etmişdi. Bulgari Octo Finissimo Ultra 1,80 mm qalınlığında malik ən nazik saat idi. Richard Mille və Ferrari arasındakı əməkdaşlıq sayəsində texnologiya aləmində yeni rekorda imza atılıb. Bu yeni ülgüc qədər ultra nazik saat sadəcə 1,75 mm qalınlığındadır. Beləliklə Bulgari-nin yaratdığı saatdan cəmi 0,05 mm fərqi ilə məğlub rekordu əldən verib.
RM firması bütün mexanizmi cəmi 1,18 mm qalınlığına qədər incəltməyi bacardığı üçün saatın ümumi qalınlığı 1,75mm-i keçməyib. Ferrari komandası ilə birgə yaradılmış RM UP-01 uzun illər əməyinin, onlarla prototipin və 6000 saatdan çox əziyyət və laboratoriya sınaqlarının nəticəsidir. Ultra nazik saat yaratmaq problemi pilləli dişlilər və qolları olan ənənəvi saat mexanizminin istifadəsini çətinləşdirir.
Bütün komponentləri daha geniş lövhəyə yerləşdirməyin qeyri-mümkünlüyünü dərk edən Richard Mille onları elə paylamağa qərar verib ki, kompononentlər bir-birinə möhkəmlik və dayanıqlıq versin. Eyni zamanda korpusun mükəmməl görünüşü korlanmasın.
Titan körpünün özəlliyi
Saatın gövdəsi korroziyaya yüksək davamlı olan və çarxların optimal işləməsi üçün zamanla problem yaratmayan 5-ci dərəcəli titan materialdan hazırlanmışdır. Saat təqribi 90% 5-ci dərəcəli titan, 6% alüminium və 4% vanadium ərintisinə malikdir. Bu tərkib daha çox aerokosmik sənayedə və avtomobil sənayesində geniş istifadə olunur. 5-ci dərəcəli titan komponentləri tələb olunan qədər yüksək sərtlik və düzlük (hamar səth) verir.
Richard Mille saatının selektor funksiya seçicisi
Saatın tənzimlənməsi düymələri çərçivəyə inteqrasiya olunub və panelin sol üst hissəsində yerləşir. Üstdən dəyişmək istədiyiniz şeyi seçdikdən sonra (hansısa əqrəbi) aşağıdan saatı sazlaya bilirsiniz. 10 metrə suya davamlılığı təmin edən qara keramika tipli materialla daəhatə olunub. Ümumilikdə RM UP-01 saatı 150 ədədlə məhdudlaşır və alıcılar 1.888.000 dollar dəyərində ödəniş ödəməlidirlər.
