Bakıda keçirilən BMT-nin 13-cü Ümumdünya Şəhərsalma Forumu (WUF13) çərçivəsində beynəlxalq texnologiya şirkəti olan “Yango” şəhər mobilliyi, davamlı nəqliyyat həlləri və gələcəyin ekosistemləri üzrə öz strateji baxışlarını təqdim edib.
Tədbir çərçivəsində “Tedroid” medianın həmtəsisçisi və baş direktoru Tariyel Ağazadə şirkətin rəhbəri Müşviq Həsənovdan xüsusi müsahibə götürüb. Müsahibədə şirkətin qlobal və yerli strategiyaları, Bakıda açılan yeni ofisin əhəmiyyəti, innovativ təhlükəsizlik sistemləri və “hyperlocal” yanaşması barədə mühüm açıqlamalar verilib. “Yango”nun Azərbaycanda sadəcə bir taksi xidmətindən geniş ekosistemə çevrilməsi və Bakını regional xaba çevirmək planları müsahibənin ən diqqət çəkən məqamlarından olub.
Həmin müsahibəni olduğu kimi diqqətinizə çatdırırıq:
Tariyel Ağazadə: WUF13 kimi qlobal urban forumda Yango Azerbaijan iştirakını necə dəyərləndirirsiniz?
Müşviq Həsənov: Yango şirkəti olaraq biz 30-dan çox ölkədə, 100-dən çox şəhərdə fəaliyyət göstəririk və bu o deməkdir ki, biz 100-dən çox şəhərin gündəlik həyatında böyük bir mühüm bir rol oynayırıq. Ona görə də VUF kimi böyük urban forumlar bizim şirkət üçün çox vacibdir. Belə bir forumlarda biz dövlətlə əlaqələri, şirkətlərlə dialoqları qururuq və çalışırıq ki, bizim fəaliyyətimiz daha da effektiv olsun və şəhərlərdə nəqliyyatı daha da effektiv etsin.
Tariyel Ağazadə: Sizcə “urban mobility” gələcəyin şəhərlərində hansı rolu oynayacaq?
Müşviq Həsənov: Gələcək şəhərlərində məncə, urban mobillik ona gətirib çıxardacaqdır ki, mikromobillik kimi vasitələrdən daha çox istifadə olunacaqdır və bu ona gətirib çıxaracaq ki, şəhərlərdə tıxacların sayı azalmalıdır, şəhərlərdə insanların A nöqtəsindən B nöqtəsinə çatmaq daha tez və daha effektiv olacaqdır. Rəqəmsal İnkişaf və Nəqliyyat Nazirliyi AYNA ilə bir yerdə bu tərəfdə çox böyük işlər görür və biz Yango şirkəti olaraq çalışırıq ki, dialoqda olaq və onların atdığı addımlarda da dəstək olaq və şəhərimizi daha da mobilliyə uyğun edək.
Tariyel Ağazadə: Yango son illərdə Azərbaycanda sadəcə taksi tətbiqi olmaqdan çıxaraq daha böyük ekosistemə çevrilir. Bu transformasiyanın arxasında əsas strategiya nədir?
Müşviq Həsənov: Yango şirkəti olaraq bizim üçün çox vacibdir ki, insanların gündəlik həyatında maksimal dərəcədə böyük rol oynayaq və onlara dəstək olaq. Harasa çatmaq lazımdırsa, nəyisə çatdırmaq lazımdırsa, mikromobillikdə, xəritələrdə, naviqasiyada onların dostu olmaq istəyirik. Və bunun üçün də şirkət olaraq əlimizdən gələn addımları çalışırıq ki ataq.
Tariyel Ağazadə: Şirkət bu yaxınlarda Bakıda yeni ofis açıb. Bu, daha güclü yerli iştirak və bazar üçün uzunmüddətli planlar əlamətidirmi?
Müşviq Həsənov: Azərbaycan Yango üçün çox vacib bazardır. Azərbaycan Yango üçün ilk bazarlardan biri olubdur və bununla bağlı burda gördüyümüz işlər, yığılan təcrübə, ona gətirib çıxardıb ki, nəinki biz Azərbaycanda uzunmüddətli işlər görmək istəyirik, biz həmçinin də Azərbaycanı, Bakını Yangonun qlobal regional bir xabına çevirmək istəyirik və açılmış Bakıdakı yeni ofisimiz elə bunun üçün ilk addımlardan biridir.
Tariyel Ağazadə: Taksi bazarında təhlükəsizlik son dövrlər ən çox müzakirə olunan mövzulardandır. Yango həm sərnişin, həm də sürücü təhlükəsizliyi üçün hansı texnoloji həllər üzərində işləyir?
Müşviq Həsənov: Sərnişinlərin və sürücülərin təhlükəsizliyi bizim üçün çox vacib bir məqamdır və bunu biz Yangonun texnologiyalarını maksimal dərəcədə istifadə eləyərək bu təhlükəsizliyi qorumaq istəyirik. Misal üçün, bizdə sürücünün, əgər təhlükəli sürürsə, onunla bağlı bizim sistem monitorinq eləyir və təhlükəli sürücü avtomobili sürdüyü halda, ona xəbərdarlıq gedir. Düzəlməsə sürmə yanaşması, o bloklanır və təlimlərdən sonra təzədən xəttə buraxılır. Həmçinin də sərnişinlər üçün təhlükəsiz sistemləri var bizdə. Tutaq ki, SOS mərkəzi var, təhlükəsizlik mərkəzi var applikasiya içində, mobil tətbiqin içində. Sonra, insan onlayn olaraq öz marşrutunun gedişini yaxınları ilə bölüşə bilər və yaxınları onlayn olaraq baxa bilərlər ki, bu marşrut hardan keçir.
Tariyel Ağazadə: Azərbaycanda ride-hailing bazarı artıq çox rəqabətlidir. Bu rəqabətdə Yango-nu bazar liderliyinə yaxınlaşdıran əsas fərq sizcə nədir?
Müşviq Həsənov: Yangonu fərqləndirən texnologiyalara yanaşması, təhlükəsizlik və keyfiyyətin vacib olmasıdır. Çalışırıq ki, bu ancaq sözlərdə olmasın, işlərimizdə də olsun.
Tariyel Ağazadə: Yango tez-tez “hyperlocal” yanaşmadan danışır. Azərbaycan bazarı üçün xüsusi olaraq hazırladığınız və başqa ölkələrə də ixrac etdiyiniz hansı innovativ həllər olub?
Müşviq Həsənov: Qlobal yanaşmanı hər bir ölkədə tətbiq edirik, amma o demək deyil ki, biz ancaq qlobalıq. Çünki biz başa düşürük ki, hər bir ölkənin, hər bir lokal yerin öz qeyri-adi xüsusiyyətləri var. Misal üçün, Azərbaycanda COP və VUF böyük tədbi rləri keçirəndə biz şəhərdə bir neçə dənə yeniliklər eləmişdik insanlar üçün, Formula 1 vaxtı fastest, yəni ən tez tarif işə salmışdıq, hansı ki Azərbaycandan sonra bir neçə ölkədə də başlayıbdır istifadə olunmağa.
Tariyel Ağazadə: Önümüzdəki 2-3 ildə istifadəçilər Yango-da hansı yeni xidmətləri görə bilər? AI, robotaxi və ya smart city inteqrasiyaları gündəmdədirmi?
Müşviq Həsənov: Texnologiyaları maksimal dərəcədə insanlara kömək eləməyə və insanların həyatında pozitiv bir rol oynamağa çalışırıq. Artıq bir neçə ölkədə robotaksilərin üstündə işləyirik, ictimai nəqliyyatın onlayn hansı nöqtədə olduğunu və neçə dəqiqəyə insana çatdığını hazırlayırıq və tətbiqlərdə bir neçə dənə ölkədə işləyir və ümid edirik ki, Azərbaycanda da bu yeniliklər bu yaxınlarda da artıq istifadə olunmağa başlayacaqdır.
Yango-nun WUF13 kimi mötəbər tədbirdə fəal iştirakı şirkətin qlobal şəhərsalma və mobillik dialoquna verdiyi önəmi bir daha sübut edir. Şəhərlərin daha ağıllı, təhlükəsiz və əlçatan olması istiqamətində fəaliyyətini davam etdirən şirkət, yaxın gələcəkdə “smart city” inteqrasiyaları, ictimai nəqliyyatın optimallaşdırılması və süni intellekt həlləri ilə Azərbaycan bazarında yeni standartlar müəyyən etməyi hədəfləyir. Yeni ofisin fəaliyyətə başlaması isə bu irimiqyaslı layihələrin və təşəbbüslərin birbaşa Bakıdan idarə olunmasına güclü zəmin yaradacaq.
Müsahibənin video versiyasını aşağıdan izləyə bilərsiniz:
Yango haqqında:
Yango, dünya boyu 30-dan çox ölkədə və 100-dən çox şəhərdə gündəlik xidmətlər təklif edən beynəlxalq texnologiya şirkətidir. Şirkət istifadəçilərə gediş sifarişi, mikromobillik, xəritə, naviqasiya və digər rəqəmsal xidmətləri əhatə edən geniş ekosistem təqdim edir. Qabaqcıl texnologiyalara və yüksək təhlükəsizlik standartlarına əsaslanan Yango, fəaliyyət göstərdiyi bazarlarda şəhər mobilliyini daha əlçatan və innovativ etməyi qarşısına məqsəd qoyub.
