Smartfon bazarındakı tarazlığa təsir edə biləcək əhəmiyyətli bir iddia paylaşılıb. Çindən gələn yeni bir hesaba görə, OnePlus və Realme vahid bir struktur altında birləşməyə hazırlaşır. Təfərrüatlara görə, hər iki brend daha sıx əməliyyat inteqrasiyası dövrünə qədəm qoyacaq.
Paylaşılan məlumata görə, birləşmə qərarı uzunmüddətli qiymətləndirmələrdən sonra verilib. Bildirilir ki, OnePlus Çin prezidenti Li Jie yeni strukturun rəhbəri olacaq və birbaşa Pete Lauya hesabat verəcək. Realme-dən Vanq Veyin yeni təşkilatda yüksək rəhbərlik vəzifəsini icra etməsi gözlənilir.
Bu birləşmənin ən diqqətəlayiq tərəfi odur ki, hər iki brend öz fərdi kimliyini saxlayacaq. Başqa sözlə, istifadəçilər üçün brend adları dəyişməz qalsa da, pərdəarxasında daha geniş bir əməliyyat inteqrasiyası həyata keçiriləcək. Maraqlısı bdur ki, heç bir şirkət hələ rəsmi açıqlama verməyib. Lakin sızmalar təsdiqlənərsə, bu birləşmə xüsusilə orta və yüksək səviyyəli smartfon bazarındakı rəqabətə birbaşa təsir göstərə bilər.
