Google-un Android 17 üçün kod adı rəsmi olaraq açıqlanıb. Beləliklə, əvvəlki illərdə olduğu kimi, şirkət bu il də şirniyyat adından istifadə edəcək. Bəs bu ad nə olacaq?
ABŞ-da yerləşən texnologiya nəhəngi Google-un üzərində işlədiyi Android 17 ilə bağlı diqqətəlayiq bir inkişaf baş verib. Android 17 kodunu araşdıran müstəqil tərtibatçılar qarşıdan gələn mobil əməliyyat sistemi üçün kod adını müəyyən edə biliblər. Android 17 kodunda olan məlumatlara görə, Google Android 17 üçün “Cinnamon Bun” (darçınlı bun) ifadəsini istifadə edəcək.
Bu adın Android-in funksionallığına heç bir təsiri olmayacaq, lakin Google 2026-cı il üçün uzunmüddətli ənənəsini davam etdirəcək. Yeri gəlmişkən, “Ciinamon bun” adı əslində ilk dəfə ortaya çıxmayıb. Bir neçə ay əvvəl müstəqil tərtibatçılar Android 17-nin kod adının Cinnamon Bun olacağını təklif etmişdilər. Android 17-nin mənbə kodunda kəşf bu iddianı rəsmi olaraq təsdiqləyib. Xatırladaq ki, Android 16-nın rəsmi adı bizlərə çox yaxşı tanış olan paxlava idi. Qeyd edək ki, Google uzun illər Android versiyalarına şirniyyat adları verməklə məşhurdur. Bu ənənə ilk dəfə Android 1.5 “Cupcake” ilə başlayıb və davamında Donut, Eclair, KitKat, Lollipop kimi adlarla davam edib. Şirniyyat adları seçilməsinin səbəbi Android-in daha dostyana, yadda qalan və əyləncəli imic yaratmaq istəməsi ilə bağlıdır. Google-ın sözlərinə görə, bu adlandırma həm də versiyaları bir-birindən fərqləndirməyi daha asan edir. Rəsmi olaraq Android 10-dan sonra adlar rəqəmsal şəkildə davam etsə də, şirkət daxildə hələ də şirniyyat adlandırma ənənəsini qoruyub saxlayır. Bu da Android-in marka mədəniyyətinin bir hissəsinə çevrilmiş vəziyyətdədir.
