Rahat və etibarlı maliyyə həlləri təqdim etməyi hədəfləyən PashaPay ödəniş ekosistemi, M10 mobil tətbiqini hazırlayır. MilliÖn ödəmə sisteminin əsasında qurulan PashaPay həm geniş kütləyə, həm də sahibkarlara “Həyatı asanlaşdırırıq” vədini verir. Qeyd edək ki, hazırda 3000-dən çox ödəniş terminallarına malik MilliÖn şəbəkəsində 150-dən çox şirkət və 500-dən çox xidmət mövcuddur. M10 mobil tətbiqi isə Azərbaycanda nağdsız əməliyyatlar üçün ilk irimiqyaslı elektron pul kisəsi olacaq. Elə isə M10 tətbiqin üstünlüklərinə nəzər salaq:
- Pul köçürmələrini komissiyasız həyata keçirmək,
- Fərdi sahibkarlar üçün nağdsız pulları rahat şəkildə qəbul etmək,
- Kommunal ödənişləri avtomatik ödəmək və s.
PashaPay M10 tətbiqinin rəsmi veb saytında bildirilir ki, pul göndərəcəyiniz adamın sadəcə telefon nömrəsini qeyd etməklə köçürməni həyata keçirə biləcəksiniz. Yəni proses zamanı əlavə heç bir ofis, sənəd özlərinində dediyi kimi “kağız-kuğuza” ehtiyac olmayacaq. Çünki onlar sadəliyi sevirlər.
Bundan başqa M10 proses zamanı SMS xəbərdarlığı kimi işi uzadan əngəllərin olmayacağınıda qeyd edib. Tək cümlə ilə ifadə etsək “m10 ödəniş məsələlərini asanlıqla həll etməyi və həyatı stressdən uzaq yaşamağı təmin edən elektron pul kisəsidir“. M10 maliyyə bazarını da dəyişəcəyini bildirir. Xatırladaq ki, PashaPay özü Azərbaycan vətəndaşları üçün bir toxunuşla və maksimum səmərə ilə rahat pul köçürmələri həyata keçirməyə imkan verən ödəniş ekosistemidir. Belə ki, şirkətə həm yerli həm də xarici olmaqla işində peşəkar olan geniş komanda cəlb edilib.
Yaxın müddət ərzində PashaPay MMC-nin təqdim etdiyi yeni m10 mobil tətbiqi vətəndaşları yeni texnoloji həlləri ilə sevindirəcək.
