GTA seriyası və ya Take-Two-nun ən çox satılan seriyası indiyə qədər təxminən 455 milyon ədəd satış etdiyini rəsmi olaraq açıqlayıb. Maraqlısı budur ki, Grand Theft Auto V-in 215 milyon ədəd satıldığı bildirilir. Ümumiyyətlə, GTA 5 də bu günə qədər yayımlanan hər hansı digər əyləncə oyunlarından daha sürətli satışlarda 1 milyard dollara çataraq son 10 ildə ABŞ-da ən çox satılan oyun olmağı bacarıb. Beləliklə, Take-Two şirkəti əfsanəvi “GTA seriyasının satış rəqəmləri”ni açıqlamaqla bütün diqqətləri yenidən öz üzərinə cəlb edə bilib.
Qeyd edək ki, Rockstar-ın Red Dead Redemption seriyası da 104 milyon ədəd satılıb. RDR2 bu rəqəmin 77 milyondan çoxunu təşkil edib. NBA 2K seriyası 162 milyon, Borderlands seriyası 94 milyon, Sid Meier’s Civilization isə 77 milyondan çox satılıb. Take-Two, rüb üçün ümumi xalis satışlarının 17% artaraq 1,42 milyard dollara çatdığını və GAAP xalis gəlirinin 1,50 milyard dollar olduğunu bildirib. Əvvəlki ilin eyni rübündə bu rəqəm 1,34 milyard dollar, GAAP xalis zərəri isə 11,9 milyon dollar təşkil edib.
Seriyanın yeni oyunu olan GTA 6 hazırda inkişaf mərhələsindədir və 2026-cı ildə PS5 və Xbox Series X|S üçün satışa çıxarılacaq. Fanatlar seriyanı səbirsizliklə gözləyir, gözləntilər böyükdür və analitiklər vəhşi proqnozlar verirlər. Bir investisiya firması iddia edir ki, GTA 6 təkcə ilk 60 gündə 7 milyard dollar satış qazanacaq.
