Amerikan qəhvə mağazaları zənciri Starbucks Cənubi Koreyanın nəhəng texnologiya şirkəti Samsung ilə əməkdaşlığa imza atdı. Bilirik ki, həm Amerika mərkəzli Starcucks-ın həm də texnologiya nəhənglərindən olan Samsung-un milyonlarla istifadəçisi var. İki önəmli şirkətin hazırladığı ortaqlıq isə istifadəçiləri çox sevindirəcək. Bu iki şirkət Samsung modelləri üçün ortaq smartfon və qulaqlıq qabları satacaq. Yeni qablar Samsung-un Samsung Galaxy S22 seriyası və şirkətin qulaqlıq modelləri üçün nəzərdə tutulub.
Samsung Galaxy Ultra modellərinin qabları üçün digər modellərdən fərqli olaraq 2 fərqli rəng seçimi mövcuddur. Fərqli rənglərdəki qabların birində Starbucks dizaynı digərində isə Starbucks qəbzi təsvir edilib.
Qeyd edək ki, Samsung X Starbucks adı verilən qablar hələki sadəcə Cənubi Koreyada satılacaq. Qutuların Cənubi Koreyadan kənarda satışa çıxarılıb-çıxarılmayacağına dair rəsmi məlumat yoxdur.
Şirkətlərin ortaqlıq ilə istehsal edəcəyi qulaqlıq qutuları Galaxy Buds Pro, Galaxy Buds 2 və Galaxy Buds Live qulaqlıqları üçün olacaq. Hər üç qulaqlıq üçün iki fərqli model istehsal ediləcək. Bu modellərdən birincisi standart qulaqlıq qutusuna bənzəyəcək və tünd yaşıl rəngdə Starbucks loqosunu əks etdirəcək. İkinci qulaqlıq qutusu qəhvə ilə dolu fincan şəklində olacaq.
Bəs siz bu kreativ dizayna malik qutular haqqında nə düşünürsünüz? Əgər bu qablar ölkəmizə gətirilsə və satışına başlansa sizdə bu məhsulları almaq istəyərdinizmi? Ən çox hansı dizaynı bəyəndiniz? Bu mövzu barədə fikirlərinizi şərhlər bölməsində bizimlə bölüşə bilərsiniz.
