Fiziklər Yerin öz maqnit sahəsindən və fırlanma hərəkətindən elektrik enerjisi əldə etməyin mümkün ola biləcəyini iddia edirlər. Physical Review Research jurnalında dərc edilən yeni araşdırma bu fikri dəstəkləyən eksperimental nəticələri təqdim edib. Digər tərəfdən, Yerin fırlanmasından istifadə edərək elektrik enerjisi əldə etmək ideyası heç də yeni hesab olunmur.
Belə ki, əslində Yerin fırlanmasından elektrik istehsal etmək, 1832-ci ilə qədər kök salmış bir fikirdir. 1832-ci ilə aid ideya Bu ideya 1832-ci ilə aid olsa da, indiyə qədər bu mövzuda konkret addımlar atılmamışdı. Ancaq son təcrübələr bu fikri sınamaq üçün uzun bir yol keçib. Tədqiqatçılar manqan-sink ferritindən hazırlanmış 29,9 sm uzunluğunda silindrik qabıqdan istifadə edərək əsas müşahidə aparıblar. Bu konstruksiya Yerin maqnit sahəsinə 57,5 dərəcə bucaq altında yerləşdirildikdə 18 mikrovolt elektrik enerjisi istehsal edilib. Maraqlısı budur ki, normalda belə bir gərginlik elektronlar özlərini yenidən təşkil etdikcə yox olur. Bununla belə, tədqiqatçılar bu silindrik quruluşda belə bir ləğvin baş vermədiyini qeyd ediblər.
Tədqiqatçılar xarici amillərin eksperimentin nəticələrinə təsir etməməsi üçün son dərəcə diqqətli idilər. Təcrübələr aşağı tezlikli (60 Hz) və radiotezliklərin (RF) məhdud olduğu pəncərəsiz, yeraltı laboratoriyada aparılıb. Fərqli şəraitdə, laboratoriyadan 3,5 mil məsafədə yerləşən yaşayış məntəqəsində təkrarlanıb və eyni nəticələr əldə edilib. Bundan əlavə, Faraday qəfəsində aparılan sınaqlarda istehsal olunan gərginlik tamamilə yox olub. Bütün bu təcrübələr Yerin maqnit sahəsi ilə fırlanması arasındakı qarşılıqlı təsirin həqiqətən elektrik enerjisi yarada biləcəyinə dair mühüm məlumat verir. Tədqiqatın müəlliflərindən biri olan Christopher F. Chyba etiraf edib ki, istehsal olunan elektrik enerjisinin miqdarı hazırda “çox kiçikdir”. undan əlavə, bu üsulu praktiki enerji mənbəyinə çevirməyin mümkün olub-olmayacağı hələ də qeyri-müəyyən olaraq qalır.
