Bildiyimiz kimi, Çin hökumətinin ABŞ milli təhlükəsizliyini təhlükə altına atacağı iddiası ilə bütün aktivlərindən məhrum edilmiş TikTok, Trampın sərəncamı ilə müvəqqəti olaraq tətbiq mağazalarına geri qaytarılmışdı. Belə ki, üç ABŞ senatoru, Tramp administrasiyasına göndərdiyi məktubda TikTok-u qadağan etmək üçün hələ heç bir addımın atılmamasının əhəmiyyətli bir risk yaratdığını və hazırkı və ya gələcək hökumətlərin texnologiya nəhənglərinə böyük qanunlar tətbiq edə biləcəyini ifadə edib. Görünən odur ki, bu TikTok qadağası Apple, Google və Oracle kimi nəhənglərə 850 milyard dollara başa gələ bilər.
Senatorlar, Bayden dövründə TikTok-a girişi qadağan edən qanunun hələ də qüvvədə olduğunu və yalnız müvəqqəti fərmanla dayandırıldığını, TikTok tətbiqini saxlayan Google Play və Apple AppStore, eləcə də server xidmətləri göstərən Oracle-ın artıq qanunu pozduğunu vurğulayırlar. Onlar həmçinin məktuba əlavə ediblər ki, Ədliyyə Nazirliyi qanunun müvəqqəti müddət üçün Apple, Google və Oracle şirkətlərinə qarşı tətbiq edilməyəcəyini bildirsə də, bu müddətin nə qədər davam edəcəyi bəlli deyil və martın 28-dək bu qanunla bağlı dəqiq açıqlama verilməlidir.
İlkin açıqlamada isə Tramp TikTok-un aktivlərinin ən azı yarısının ABŞ konsorsiumu tərəfindən alınmasını şərtləndirmişdi. Hələlik heç bir aktiv alışı reallaşmadığı üçün qadağa aprelin 5-də yenidən tətbiq olunacaq. Beləliklə, TikTok bir neçə gün sonra ABŞ-da yenidən qadağan edilə bilər. Bununla yanaşı, Apple, Oracle və Google kimi şirkətlər də TikTok qadağası səbəbi ilə 850 milyard dollar cəza ala bilərlər.
